Biha Kappa v1.p95

v1.p95

[māsakappapagayaṃ titthāṇusajjaṇāe, āyahiyāe paraṃ samuddharati | maggappabhāvaṇāe, jaidhammakahā ao paḍhamaṃ ||1142||
“titthāṇu0" gāhā | titthaṃ aṇusajjāviyaṃ bhavati | pavvāvitaṇa titthaṃ aṇusajjāviteṇaṃ āyahitaṃ kayaṃ bhavati parahiyaṃ caśabdāt | āyaparahieṇaṃ sattāṇaṃ paraṃ ca uddharati saṃsārāo| kiṃ nimittaṃ? jamhā sanmārgaprabhāvanaṃ karoti | jamhā ete guṇā vā dosā vā vihi avihikahaṇe tamhā jaidhammakadhā paḍhamaṃ kaheyavvā | jayā taṃ na giṇhai tayā aṇudhammo kaheyavvo| jayā taṃ pi na paḍivajjai tayā sammattaṃ | jayā samattaṃ pi na paḍibhāsai tayā majja-maṃsaviraī vi | eyaṃ aṇuvāsayassa evaṃ kahijjai | sāvayassa puṇaṃ jahā paḍibhāi taha kaheu kahao| pavvajja tti gayaṃ |
iyāṇi sikkhāpadaṃ ti dāraṃ | tattha -
pavvaiyassa ya sikkhā, gayaṇhāya silīpatī ya diṭuṃto | taiyaṃ ca āurammī, cautthagaṃ aṃdhale there ||1143||
"pavvaiyassa0" gāhā | pavvaiyassa samāṇassa sikkhā bhavati | sā duvihā sikkhā - gahaṇasikkhā ya āsevaṇasikkhā ya | gahaṇasikkhā suttatthatadubhayāṇi | āsevaṇasikkhā paḍilehaṇāī | so pavvaio samāṇo āyariehiṃ bhannai - eyaṃ duvihaṃ sikkhaṃ geṇhāhi | tāhe so āsevaṇasikkhaṃ icchai, gahaṇasekkhaṃ necchai | imaṃ uttaraṃ dei -
pavvaio'haṃ samaṇo, nikkhittapariggaho nirāraṃbho| iti dikkhiyamekamaṇo, dhammadhurāe daḍho homi ||1144|| samitīsu bhāvaṇāsu ya, guttīpaḍilehaviṇayamāīsu| logaviruddhesu ya bahuvihesu loguttaresuṃ ca ||1145|| jutta virayassa sayayaṃ, saṃjamajogesu ujjayamaissa | kiṃ majhaṃ paḍhieṇaṃ ? bhaṇṇai suṇa tā ime nāe ||1146||
"pavvaio'haṃ samaṇo0" ["samitīsu0" "jutta0"] gāhāo tinni uccāriyasiddhāo| kiṃ mama pāḍheṇaṃ? āyario bhaṇai-jayatthaṃ tumaṃ pavvaio so ceva te attho na bhavissai |
1. attāṇaṃ iti bhāvyam ? |