Biha Kappa v20.p28
Bṛhatkalpavṛtti v20.p28
- Language
- Sanskrit
v20.p28
uddeśa : 3, mūlaṃ- 97, [bhā. 4512] koyā ( gādhīnagara) pi 382009 pratipattavyāḥ | eṣā avibhāgaparicchedaprarūpaṇā 1 | sarvajaghanyāt saṃyamasthānād yad dvitīyaṃ saṃyamasthānaṃ tat tasmādanantabhāgavṛddham | kimuktaṃ bhavati ? - prathamasaṃyamasthānagatanirvibhāgabhāgapekṣayā dvitīye saṃyamasthāne nirvibhāgā bhāgā anantatamena bhāgenādhikā bhavantīti | eṣā sthānāntaraprarūpaṇā 2 | tasmādapi yadanantaraṃ tṛtīyaṃ tat tato'nantabhāgavṛddham, evaṃ pūrvasmāduttarottarāṇi anantatamena bhāgena vṛddhāni nirantaraṃ saṃyamasthānāni tāvad vaktavyāni yāvadgulamātra kṣetrāsaṅghayeyabhāgagatapradeśarāśipramāṇāni bhavanti | etāvanti ca samuditāni sthānāni kaṇḍakamityucyate | eṣā kaṇḍakaprarūpaṇā 3 |
asmācca kaṇḍakāt parato yadanyadanantaraṃ saṃyamasthānaṃ bhavati tat pūrvasmādasaṅghayeyabhāgādhikam | etaduktaṃ bhavati - pāścātyakaṇḍakasatkacaramasaṃyamasthānagatanirvibhāgabhāgāpekṣayā kaṇḍakānantare saṃyamasthāne nirvibhāgā bhāgā asaṅghayeyatamena bhāgenādhikāḥ prāpyante | tataḥ parāṇi punarapi kaṇḍakamātrāṇi saṃyamasthānāni yathottaramanantabhāgavṛddhāni bhavanti, tataḥ punarekamasaṅghayeyabhāgādhikaṃ saṃyamasthānam bhūyo'pi tataḥ parāṇi kaṇḍakamātrāṇi saṃyamasthānāni yathottaramanantabhāgavṛddhāni bhavanti, tataḥ punarapyekamasaṅghayeyabhāgādhikaṃ saṃyamasthānamḥ evamanantabhāgādhikaiḥ kaṇḍakapramāṇaiḥ saṃyamasthānairvyavahitāni asaṅghayeyabhāgādhikāni saṃyamasthānāni tāvad vaktavyāni yāvat tānyapi kaṇḍakapramāṇāni bhavanti | tataścaramādasaṅghayeyabhāgādhikasaṃyamasthānāt parāṇi yathottaramanantabhāgavṛddhāni kaṇḍakamātrāṇi saṃyamasthānāni prāgatikrāntāni tāvanti bhūyo'pi tenaiva krameṇābhidhāya punarapyekaṃ saṅghayeyabhāgādhikaṃ saṃyamasthānaṃ vaktavya, idaṃ dvitīyaṃ saṅkhyeyabhāgādhikaṃ saṃyamasthānam; anenaiva krameṇa tṛtīyam, yāvat saṅghayeyabhāgādhikāni saṃyamasthānāni kaṇḍakamātrāṇi bhavanti tāvad vācyam | tata uktakrameṇa bhūyo'pi saṅghayeyabhāgādhikasaṃyamasthānaprasaṅge saṅghayeyaguṇādhikamekaṃ saṃyamasthānaṃ vaktavyam, tataḥ punarapi mūlādārabhya yāvanti saṃyamasthānāni prāgatikrāntāni tāvanti bhūyo'pi vaktavyāni tataḥ punarapyekaṃ saṅghayeyaguṇādhikaṃ saṃyamasthānaṃ vaktavyam; tato bhūyo'pi mūlādārabhya tāvanti saṃyamasthānāni tathaiva vaktavyāni tataḥ punarapyekaṃ saṅghayeyaguṇādhikaṃ saṃyamasthānam; amūnyapyevaṃ saṅghayeyaguṇādhikāni saṃyamasthānāni tāvad vaktavyāni yāvat kaṇḍakamātrāṇi bhavanti | tata uktakrameṇa punarapi saṅghayeyaguṇādhikasaṃyamasthānaprasaṅge'saṅghayeyaguṇādhikaṃ saṃyamasthānaṃ vaktavyam, tataḥ punarapi mūlādārabhya yāvanti saṃyamasthānāni prāgatikrāntāni tāvanti tenaiva krameṇa bhūyo'pi vaktavyāni tataḥ punarapyekamasaṅghayeyaguṇādhikaṃ saṃyamasthānaṃ vaktavyam; tato bhūyo'pi mūlādārabhya tāvanti saṃyamasthānāni tathaiva vaktavyāni, tataḥ punarapyekamasaṅghayeyaguṇādhikaṃ saṃyamasthānaṃ vaktavyam: amūni caivamasaṅghayeyaguṇādhikasaṃyamasthānāni tāvad vaktavyāni yāvat kaṇḍakapramāṇāni bhavanti | tataḥ pūrvaparipāṭyā punarapyasaṅghayeyaguṇādhikasaṃyamasthānaprasaṅge anantaguṇādhikaṃ saṃyamasthānaṃ vaktavyam, tato bhūyo'pi mūlādārabhya yāvanti saṃyamasthānāni prāgatikrāntāni tāvanti tathaiva krameṇa bhūyo'pi vaktavyāni, tataḥ punarapyekamanantaguṇādhikaṃ saṃyamasthānaṃ vaktavyam; tato bhūyo'pi mūlādārabhya tāvanti saṃyamasthānāni tathaiva vaktavyāni tataḥ punarapyekamanantaguṇādhikaṃ saṃyamasthānaṃ vaktavyam; evamanantaguṇādhikāni tāvad vaktavyāni yāvat kaṇḍakamātrāṇi bhavanti | tato bhūyo'pi teṣāmupari