Pramāṇa · Search · About · API

Biha Kappa v20.p39

Bṛhatkalpavṛtti v20.p39

Language
Sanskrit

v20.p39

[ bhā. 4552] logapagato nive vā, ahavaṇa rāyādidikkhito hojjā | khittaṃ vihamādi abhāviyaṃ va kālo ya'nākālo ||
vṛ- yadvā 'lokaprakṛtaḥ' bahulokasammataḥ, 'nṛpaprakṛto vā' dharmakathādilabdhisampannatayā rājabahumataḥ, “ahavaṇa"tti athavā rājādidīkṣito'sau śailakācāryādivad, evaṃvidhaḥ puruṣa iha pratipattavyaḥ | kṣetraṃ nāma vihādikamabhāvitaṃ vā | vihaṃ kāntāram, ādiśabdāt pratyanīkādhupadravayuktam, tatra varttamānānāṃ sādhūnāmasāvupagrahaṃ karoti | 'abhāvitaṃ nāma' saṃvignasādhuviṣayaśraddhāvikalam, pārśvasthādibhāvitamityarthaḥ, tatra teṣāmanuvṛttiṃ vidadhānaiḥ sthātavyam | kālaśca “anāgālo” duṣkāla ucyate, tatra sādhūnāṃ varttāpanaṃ karoti | evaṃ parivārādīni kāraṇāni vijñāya kṛtikarma vidheyam ||
āgamagrahaṇena ca dvāragāthāyāṃ darśana - jñānādiko bhāvaḥ sūcitaḥ, atastamaṅgīkṛtya vidhimāha[ bhā. 4553] daṃsaṇa-nāṇa-carittaṃ, tava - vinayaṃ jattha jattiyaṃ jāṇe | jinapannattaṃ bhattīi pūyae taṃ tahiṃ bhāvaṃ ||
vṛ- darśanaṃ ca niśaṅkitādiguṇopetaṃ samyaktvaṃ jñānaṃ ca ācārādi śrutaṃ cāritraṃ camūlottaraguṇānupālanātmakaṃ darśana - jñāna- cāritram, dvandvaikavadbhāvaḥ | evaṃ tapaśca-anaśanādi vinayaśca abhyutthānādi tapo-vinayam | etad darśanādi 'yatra' pārśvasthādau puruṣe 'yāvad' yatparimāṇaṃ svalpaṃ bahu vā jānīyāt tatra tameva bhāvaṃ jinaprajñaptaṃ svacetasi vyavasthāpya tāvatyaiva 'bhaktyā' kṛtikarmādilakṣaṇayā pūjayet ||
mū. (98) no kappati niggaṃthāṇa vā niggaṃthīṇa vā aṃtaragihaṃsi ciṭṭhittae vā nisīyattae vā jāva kāussaggaṃ vā ṭhāṇaṃ ṭhāittae | aha puna evaṃ jāṇijjā-vāhie jarājunne tavassī dubbale kilaṃte mucchijja vā pavaḍija vā, evaṃ se kappai aṃtaragihaṃsi ciṭṭhittae vā jāva ṭhāṇaṃ ṭhāittae | [bhā. 4554] rāinio ya ahigato, sa cāva thero anaṃtare sutte | tassaṃtarāṇi kappaṃti ciṭṭhaṇādīṇi saṃbaṃdho ||
vṛ-vastraparibhājanasūtrādārabhya pūrvasūtreṣu 'rāliko'dhikṛtaḥ' ratnādhikasyādhikāro'nuvarttate| 'sacāpi' rānikaḥ kṛtikarmasūtrādanantarasmin sūtre śayyāsaṃstārakaviṣaye 'sthaviraḥ' ṣaṣṭivarṣaparyāya uktaḥ | upalakṣaṇamidam, tena glānastapasvī ca yaḥ pūrvaṃ rālikatayā vyākhyātaḥ so'pyatrādhikriyate | ‘tasya ca’ sthavirādeḥ ‘āntarāṇi' gṛhadvayāntarālabhāvīni sthānādīni kartuṃ kalpante, na śeṣasya taruṇādeḥ samarthaśarīrasyetyetadatra sūtre pratipādyate | anena sambandhenāyātasyāsya vyākhyā-no kalpate nirgranthānāṃ vā nirgranthīnāṃ vā 'antaragṛhe' gṛhasya gṛhayorvā antarāle, rājadantāditvād ārṣatvād vā antaraśabdasya pūrvanipātaḥ, sthātuṃ vā niṣattuṃ vā; yāvatkaraṇāt tvagvarttayituṃ vā nidrāyituṃ vā pracalāyituṃ vā, aśanaṃ vā pānaṃ vā svādimaṃ vā svādimaṃ vā (āhāraṃ ] āhartum, uccāraṃ vā praśravaṇaṃ vā khelaṃ vā siṅghānaṃ vā pariṣṭhāpayitum, svādhyāyaṃ vā kartum, dhyānaṃ vā dhyātum, "kāussaggaṃ" ti kāyotsargalakṣaṇaṃ vā sthānaṃ 'sthātuṃ' kartum | sūtreṇaivāpavādaṃ darśayati-atha punarevaṃ jānīyāt "vāhie" ityādi 'vyādhitaḥ' glāḥ 'jarājīrṇaḥ' sthaviraḥ 'tapasvī' kṣapakaḥ 'durbalaḥ' glānatvādadhunaivotthito'samarthaśarīraḥ, eteṣāṃ madhyādanyatamastapasā bhikṣāparyaṭanena vā

Linked texts (1)