Vavahara v21.p155

v21.p155

tato niśīthamapi kutaḥ siddhamityata āha

-
vyavahāra - chedasūtram - 1-1 / 14

nisīhaṃ navamā puvvā, pañccakkhāṇassa taiya vatthūo | āyāranāmadhejjā, vīsa imā pāhuḍacheyā ||
bṛ- pratyākhyānasyābhidhāyak navamaṃ pūrvaṃ pratyākhyānanāmakaṃ tasmātḥ tatrāpi tṛtīyādācāranāmadheyādvastunastatrāpi viṃśatitasmāt prābhṛtachedānniśīthamadhyayanaṃ siddhaṃ, iyamatra bhāvanā utpādapūrvādīni caturddaśa pūrvāṇi, tatra navamaṃ pūrvamaṃ pratyākhyānanāmakaṃ tasmin viṃśativastūni, vastūni nāma arthādhikāraviśeṣāsteṣu viṃśatau vastuṣu tṛtīyamācāranāmadheyaṃ vastu tatra viṃśatiḥ prābhṛtabhedāḥ, parimāṇaparichinnāḥ, prābhṛtaśabdavācyāḥ chedā arthachedāsteṣu yo viṃśatitamaḥ prābhṛtachedaḥ, tasmānniśīthaṃ siddhamiti, atrāha śiṣyaḥ, sarvasādhūktaṃ kiṃtu

patteyaṃ patteyaṃ pae pae bhāsiūṇa avarāhe | to kena kāraṇeṇaṃ dosā egattamāvannā ||
vṛ- ekonaviṃśatāvuddeśakeṣu pade pade sūtre sūtre vā yadivā uddeśake pratyekaṃ pratyekaṃ ekasya doṣasya prati pratyekaṃ atrābhimukhye pratiśabdo yathā pratyagni śalabhāḥ pataṃtītyatra vīpsāyāmataḥ pratyekaśabdasya vīpsāvivakṣāyāṃ dvivacanaṃ aparādhān aparādhe sati māsikādikaṃ prāyaścittaṃ dīyate iti upacārataḥ prāyaścittāneyāvāparādhaśabdenoktāni, tān bhaṇitvā yathā keṣucidaparādheṣu māsalaghu, keṣucit māsaguru, keciccāturmāsalaghu, keṣuciccāturmāsaguru, evaṃ sūtrato ardhataśca keṣucillaghupaṃcakaṃ, keṣucidgurupaṃcakamevaṃ, yāvat keṣucid bhinnalaghu, keṣucid bhinnamāsaguru, tathā keṣucidaparādheṣu ṣaṭlaghu keṣucit ṣaṭguru, keṣucit chedakeṣu cit mūlaṃ, keṣacidanavasthāpyaṃ, keṣucit pārāṃcita, evaṃ dopeṣu pratyeka pratyekaṃ prāyaścittāni bhāṣitvā bhūya idamuktaṃ yathā ekaḥ puraṣogurukaṃmāsikamāpanno 'paro laghumāsikaṃ, tayordvayorapi kadācit gurukaṃ māsikaṃ dadyāt, kadācillaghumāsikaṃ, tathā eko laghupaṃcakamāpanno'paro gurupaṃcakaṃ, tayordvayorapi kadācillaghu paṃcakaṃ dadyāt gurupaṃcakaṃ, tathā ekaḥ paṃcakamāpanno'parodaśakaṃ, tayordvayorapi kadācit paṃcakaṃ dadyāt, kadācit daśakamevaṃ, paṃcadaśaka viṃśati rātri bhinnamāsa māsa dvimāsa trimāsa caturmāsa paṃcamāsa ṣaṇmāsa chedādikrameṇa tāvad vācyaṃ, yāvat pārāṃcitaṃ tadyathā ekaḥ paṃcakamāpannī'paraḥ pārāṃcit tayordvayorapi kadācit paṃcakaṃ dadyāt, kadācitpārāṃcittamiti, evaṃ daśakādikamapi svasthāne gurulaghu vikalpataḥ parasthāne paṃcadaśādibhiḥ sahavaktavyaṃ, yāvatpārāṃcitametacca tadopapadyate, yadā doṣāṇāmekatvaṃ bhavati, taccadurūpapādamataḥ pṛcchati, to kenetyādi, yato doṣeṣu pratyekaṃ prāyaścittānyuktvā paścāt doṣāṇāmekatve prāyaścitājñayuktāni tataḥ kathaya kena ( prakāreṇa ) kāraṇena doṣāḥ parasparaṃgurugurutarādina yā mahadaṃ tarālā api ekatvamāpannāḥ sūrirāha

jina coddasajātīe āloyaṇa dubbaleya āyarie |
eeṇa kāraṇeṇaṃ dosā egattamāvannā ||
vṛ- jinaṃ pratītya codasatti caturdaśapūrvadharamupalakṣaṇametat yāvad bhinnadaśapūrvadharaṃ pratītya tathā jātietti ekajātīyaṃ pratītya tathā ālocanāṃ pratītya durbalaṃ pratītya ācāryaṃ pratītya doṣāṇāmanyathātvamapibhavati, tata etena jinādyāśrayalakṣaṇena kāraṇena doṣā ekatvamāpannāḥ, jinādīn pratītya doṣāṇāmekatvamabhūditi bhāvaḥ tadyathādyayordvayoryathākramaṃ ghṛtakuṭanālikādṛṣṭāṃtāvaparayostudva