Pramāṇa · Search · About · API

Mahanisiha 2.3.405

Mahānisīha 2.3.405

Language
Ardhamāgadhī Prakrit

2.3.405

(1) se bhayavaṃ kiṃ pacchitteṇaṃ sujjhejjā
(2) goyamā atthege je ṇaṃ sujjhejjā| atthege je ṇaṃ no sujjhejjā
(3) se bhayavaṃ keṇaṃ aṭṭheṇaṃ evaṃ vuccai | jahā ṇaṃ goyamā atthege je ṇaṃ sujjhejjā, atthege je ṇaṃ no sujjhejjā|
(4) goyamā atthege je ṇaṃ niyaḍī-pahāṇe saḍha-sīle vaṃka-samāyāre| se ṇaṃ sasalle āloittāṇaṃ sasalle ceva pāyacchittamanucarejjā| se ṇaṃ avi-suddha-sakalusāsae no sujjhejjā
(5) atthege je ṇaṃ ujjū paddhara-sarala-sahāve, jahā-vattaṃ nīsallaṃ nīsaṃkaṃ supariphuḍaṃ āloi-ttāṇaṃ jahovaiṭṭhaṃ ceva pāyacchittamanuciṭṭhejjā| se ṇaṃ nimmala-nikkalusa-visuddhāsae vi sujjhejjā|
(6) eteṇaṃ aṭṭheṇaṃ evaṃ vuccai jahā ṇaṃ goyamā atthege je ṇaṃ sujjhejjā| atthege je ṇaṃ no sujjhejjā|

Translations (2)

Commentaries (1)