Mahanisiha 3.601

3.601

(1) navaraṃ goyamā je ṇaṃ bāle, jāva aviṇṇāya-punna-pāvāṇaṃ visese, tāva ṇaṃ se paṃca-maṃgalassa ṇaṃ goyamā egaṃteṇaṃ aogge, |
(2) na tassa paṃcamaṃgala-mahā-suyakkhaṃdhaṃ dāyavvaṃ, na tassa paṃcamaṃgala-mahāsuyakkhaṃdhassa egamavi ālāvagaṃ dāyavvaṃ
(3) jao anāi-bhavaṃtara-samajjiyā'suha-kamma-rāsi-dahaṇaṭṭhamiṇaṃ labhittā ṇaṃ na bāle sammamārā-hejjā lahuttaṃ ca āṇei, tā tassa kevalaṃ dhamma-kahāe goyamā bhattī samuppāijjai|
(4) tao nāūṇaṃ piya-dhammaṃ daḍha-dhammaṃ bhatti-juttaṃ tāhe jāvaiyaṃ paccakkhāṇaṃ nivvāheuṃ samattho bhavati, tāvaiyaṃ kāravijjai|
(5) rāi-bhoyaṇaṃ ca duviha-tiviha-cauvviheṇa vā jahā-sattīe paccakkhāvijjai|