Mahanisiha 3.602

3.602

(6) tā goyamā ṇaṃ paṇayālāe namokkāra-sahiyāṇaṃ cautthaṃ cauvīsāe porusīhiṃ, bārasahiṃ purimaḍḍhehiṃ, dasahiṃ avaḍḍhehiṃ, tihiṃ nivvī iehiṃ, cauhiṃ egaṭṭhāṇagehiṃ, dohiṃ āyaṃbilehiṃ, egeṇaṃ suddhatthāyaṃbileṇaṃ|
(7) avvāvārattāe roddaṭṭajjhāṇa-vigahā-virahiyassa sajjhā-egagga-cittassa goyamā egamevā-''yaṃbilaṃ māsa-khavaṇaṃ visesejjā|
(8) tao ya jāvaiyaṃ tavovahāṇagaṃ vīsamaṃto karejjā, tāvaiyaṃ anugaṇeūṇaṃ, jāhe jāṇejjā jahā ṇaṃ ettiyametteṇaṃ tavovahāṇeṇaṃ paṃcamaṃgalassa jogībhūo, tāhe āutto paḍhejjā, na annaha tti|