Uttarajjhayana v28.p157

v28.p157

uttarādhyayana-mūlasūtram-1-3/107 vacanenānūditaṃ 'yāti' prāpnoti, ka iva?-'ghayasitteva'tti ivasya bhinnakramatvāt ghṛtena sikto ghṛtasiktaḥ punātīti pāvakaḥ-agniḥ, lokaprasiddhayā, samayaprasiddhayā tu pāpahetutvātpāpaka: tadvat, sa ca na tathā tṛṇādibhidīpyate yathā ghṛtenetyasya ghṛtasiktasya nirvṛtiranugīyate, tato viśeṣeṇāsya dṛṣṭāntatvenābhidhānamiti bhāvanīyaṃ, yadvānirvāṇamiti jīvanmuktiṃ yāti
"nirjitamadamadanānāṃ vākkāyamanovikārarahitānām|
vinivṛttaparāśānāmīhaiva mokṣaḥ suvihitānām||" iti vacanāt, kathaṃbhūtaḥ san ?-ghṛtasiktapāvaka iva-tapastejasā jvalitatvena ghṛtappitāgnisamāna iti sūtrārthaḥ || paṭhanti ca nāgārjunīyāḥ
"cauddhā saṃpayaṃ laddhaṃ, iheva tāva bhāyate|
teyate tejasaṃpanne, ghayasitteva pāvae || tti" tatra caturdhā-catuṣprakārāṃ, saṃpadāṃ-sampatti prakramānmanuṣyatvādiviṣayāṃ labdhvā ihaiva loke tāvad, āstāṃ paratra, 'bhrājate' jñānaśriyā śobhate, 'tejate' dīpyate tejasā-arthāttapojanitena sampanno-yuktastejaḥsampannaḥ, śeṣaṃ prāgvaditi | itthamāmuṣmikamaihikaṃ ca phalamupadāhamū. (108) vigica kammuṇo heuṃ, jasaṃ saṃciṇu khaṃtie|
pāḍhavaṃ sarīraṃ hiccā, uḍḍe pakkamatī disaṃ|| vṛ.'vigiñca'tti vevigdhi pṛthakkuru karmaṇaḥ' prastāvānmānuṣatvādivibandhakasya hetum' upādānakāraṇaṃ-mithyātvāviratyādikaṃ, tathā yaśohetutvādyaśaḥ-saṃyamo vinayo vā, yaduktam
"evaṃ dhammassa vinao, mūlaṃ paramo se mokkho|
jena kittiṃ suyaṃ sigdhaṃ, nīssesaṃ cābhigacchai|" iti, tat 'sañciṇu' bhṛśamupacitaṃ kuru, kayā?-kṣāntyā, upalakṣaṇatvānmārdavādibhiśca, tataḥ kiṃ syādityāha-'pāḍhavaṃ'ti pārthimiva pārthivaṃ śītoṣṇādipariṣahasahiṣṇutayā samaduḥkhasukhatayā ca pṛthivyāmiva bhavaṃ, pṛthivī hi sarvaṃsahā, kāraṇānurūpaṃ ca kāryamiti bhāvo, yadi vā pṛthivyā vikāra: pārthivaḥ, sacaiha śailaḥ, tataśca śaileśīprāptyapekṣayā'tiniścalatayā śailoṣamatvānparaprasiddhayā vā pārthiva śarīraṃ' tanuṃ 'hitvā' tyaktvā ūrdhvaṃ diśamiti sambandhaḥ, 'prakrāmati' prakarṣaṇa gacchati yena bhavāniti upaskāro, yadvā sopaskāratvāt sūtrāṇāmevaṃ nīyate-yata evaṃ kurvan bhavyajantūrūvaṃ diśaṃ prakrāmati tatastvamatidṛḍhacetā itthamitthaṃ ca kurvityupadiśyate, prakrāmatīti vartamānasāmīpye vartamānanirdeśa āsannaphalāvāptisūcaka iti sūtrārthaḥ || itthaṃ yeṣāṃ tadbhava eva muktyavāptistān pratyuktaṃ, yeṣāṃ tu na tathā tānpratyāhamū. (109) visālisehiṃ sīlehi, jakkhā uttara uttarā|
mahāsukkā va dippaṃtā, mantraṃtā apuṇoccayaṃ|| mū. (110) appiyā devakāmāṇaṃ, kāmarūvaviuvviṇo|
uḍr̤e kappesu ciṭuṃti, puvvā vāsasayā bahū|| vṛ. 'visālisehiṃ ti māgadhadeśīyabhāṣayā visadṛśaiḥ-svasvacāritramohanīyakarmakṣayopaśamāpekṣayā vibhinnaiḥ 'śīlaiḥ' vratapālanātmakairanuṣṭhānaviśeṣaiḥ, kim?-ijyante pūjyanta iti