Uttarajjhayana v28.p160

v28.p160

adhyayanaṃ-3,[ni. 178] sanapratihateṣviha moharājyam ||" iti sūtrārthaḥ || itiḥ parisamāptau, bravīmi prāgvaditi || ukto'-nugamaḥ, samprati nayāḥ, te'pi prāgvadeva|
adhyayanaṃ-3 samāptam | muni dīparatnasāgareṇa saṃśodhītā sampāditā uttarādhyayanasūtre tṛtīyaadhyayanasya bhadrabāhusvāmiracitā niyuktiḥ evaṃ śāntyācārya racitā ṭīkā parisamāptā|
adhyayanaṃ - 4 asaṃskṛtaṃ vṛ.||oṃ namaḥ || uktaṃ tṛtīyamadhyayanam, adhunā caturthāvasaraḥ, tasya cāyamabhisambandhaḥ, ihānantarādhyayane catvārimanuṣyatvādīnyaṅgāni durlabhānyuktāni, iha tu tatprāptāvapi mahate doṣāya pramādo mahate ca guṇāyāpramāda iti manyamānaḥ pramādāpramādau heyopādeyatayā''ha | ityanena sambandhenāyātasyāsyādhyayanasya catvāryanuyogadvārāṇi prāgvavyāvarṇanīyāni tāvaddyāvannāmaniṣpanne nikṣepe pramādāpramādamiti nāma, tataśca pramāda ityapramāda iti ca nikṣeptavyamityubhayanikṣepapratipādaviṣayā''ha niyuktikṛtni.[179] nāmaṃṭhavaṇapamāo davve bhāve ya hoi nāyavvo|
evema appamāo cauvviho hoi nāyavvo|| va.'nāmaṃṭhavaṇapamāe'tti, pramādaśabda ubhayatra sambadhyate, tataśca nāmapramādaḥ sthāpanāpramādaḥ, 'davve'iti dravyapramādaḥ 'bhāve yatti' bhāvapramādaśca bhavati jñātavyaḥ, 'evameve'tti nāmasthāpanādravyabhāvabhedata eva apramādaścaturvidho bhavati jñātavya iti gāthārthaḥ ||
iha ca nāmasthāpane pratīte ityanādṛtya dravyabhāvapramādāvabhidhitsarāhani.[180] majjaṃ visaya kasāyā niddā vigahā ya paṃcamī bhaṇiyā|
ia paṃcaviho eso hoi pamāo ya apamāo|| vṛ. mādyanti yena tat madyaṃ, yadvaśādgamyāgamyavācyāvācyādivibhāgaṃ jano na jānāti, ata evāha-"kāryākārye na jānīte, vācyāvācye tathaiva ca| gamyāgamye ca yanmūḍho, na peyaṃ madyamityataḥ||" viṣīdanti-dharmaṃ pratinotsahanta eteṣviti viṣayāḥ, yadvā''sevanakāle madhuratvena pariṇāme cātikaṭukatvena viṣasyopamā yāntīti viṣayāḥ, ata evāvivekilokā''sevitā vivekilokaparityaktāśca, taduktam
"āpātamātramadhurā vipākakaṭavo viṣodamā viṣayāḥ|
avivekijanā''caritā vivekijanavarjitāḥ pāpāḥ ||" kaṣyate'smin prāṇī punaḥ punarāvṛttibhāvamanubhavati kaṣayopalakaṣyamāṇakanakavaditi kaṣa:-saṃsārastasmin ā-samantādayante-gacchantyebhirasumanta iti kaṣāyāḥ, yadvā kaṣāyā iva kaṣāyāḥ, yathā hituvarikādikaṣāyakaluṣite vāsasi mañjiṣṭhādirāgaḥ, śliṣyati ciraṃcāvatiṣṭhate tathaitatkaluṣita ātmani karma sambadhyate ciratarasthiti kaṃ ca jāyate, tadāyattatvāt tatsthitaḥ, uktaṃ hi śivakarmaṇā "jogā payaḍipaesaṃ ṭhitianubhāgaṃ kasāyao kuṇai" ityādi, etaduṣṭatā ca niruktyaiva bhāvitā, 'nidda'tti nitarāṃ drānti-gacchanti kutsitāmavasthāmihāmutra cānayeti