Uttarajjhayana v28.p198

v28.p198

adhyayanaṃ-5,[ni. 229] mālinyamānaṃ vivakṣitaṃ, na tu sarvathā viraterabhāva eveti kathaṃ bālamaraṇe sambhavaḥ ?, tathā chadmasthamaraṇamapi viratānāmeva rūḍhamiti noktasaṅgyāvirodhaḥ, evaṃ deśaviratasyāpi davyādi bhaṅgabhāvanā kāryā, navaraṃ bālamaraṇasthāne bālapaṇḍitamaraṇaṃ vācyaṃ, viratasya tvavadhyātyantikamaraṇayoranyatarat paṇḍitamaraṇaṃ ceti dve, chadmasthakevalimaraṇayoścānyataraditi trīṇi, bhaktaparijñeṅginīpādapopagamanānāmanyatareṇa saha catvāri, kāraṇikasya tu vaihāyasagṛdhrapṛṣṭhayoranyatareṇa saha pañca, dṛḍhasaṃyama pratyevamuktaṃ, śithilasaṃyamasya tvavadhyātyantikamaraṇayoranyatarat, kutaścitkāraṇādvaihāyasagṛdhrapṛṣṭhayoścānyataraditi dve, kathañcicchalyasambhave cāntaḥśalyamaraṇena saha trīṇi, valanmaraṇena saha catvāri, chadmasthamaraṇena tu pañca, paṇḍitamaraṇasya yathoktabhaktaparijñānādīnāṃ vā viśuddhasaṃyamatvādasyābhāva eveti, āha-viratasyāvasthādvaye'pi tadbhavamaraṇaprakṣepe kathaṃ na ṣaṣṭhamaraṇasambhavaḥ?, ucyate, viratasya deveṣvevotpāda iti tatrai votpattyabhāvanna tadbhavamaraṇasambhava iti gāthātrayārthaḥ | gataṃ kati mriyanta ekasamaya iti dvāram, idānī katikṛtvo mriyate . ekaikasmin ? iti dvāramāhani.[ 230] saṃkhamasaṃkhamanaṃtā kamo u ikkikkagaṃmi apasatthe|
sattaṭṭhaga anubaṃdho pasatthae kevaliṃmi saī || vṛ. 'saṃkhamasaṃkhaṃ'tti ārṣatvāt saṅkhyāḥ-asaṅkhyātāḥ asaṅkhyā-avidyamānasaṅkhyāḥ anantā-aparyavasitā, vārā iti prakramaḥ, 'kamo u'tti kramaḥparipāṭī, tuśabdaśca kāyasthiteralpabahutvāpekṣayā'yaṃ jñeya iti viśeṣadyotakaḥ, ekkekkagaṃmi'tti ekaikasmin 'apraśaste' bālamaraṇādau nirūpyamāṇe, tatra sāmānyena pañcendriyāviratadeśaviratau ca saṅkhyātāḥ, śeṣāḥ pṛthivyudakāgniyudvīndriyatrīndriyacaturindriyāḥ asaṅkhyātāḥ, vanaspatayo'nantā, ete hi kāyasthityapekṣayā yathākramaṃ bahubahutarabahutamasthitibhāja itikṛtvā|
praśaste kati vārā mriyata ityāha-'sattaṭṭhaga'tti sapta vā'ṣṭa vā saptāṣṭāste parimāṇamasyeti saptāṣṭakaḥ, ko'sau ?-'anubandhaḥ' sātatyena bhavanaṃ tanmaraṇānāmiti, tato'yamartha:-sapta vā aṣṭa vā vārā mriyate, kva?-'praśastake' sarvaviratisambandhini paṇḍitamaraṇe, iha ca cāritrasya nirantaramavaptyasambhavāt tadvata eva ca praśastamaraṇabhāvādāvyavadhānāmapi devabhavairāśrīyate, 'kevalini' yathākhyātacāritravati samatpannakevale 'saiṃti sakṛdekameva maraṇamiti | uktaṃ katikṛtvo mriyata ekaikasminniti dvāraṃ, samprati katibhāga ekaikasminmaraṇe niyata iti dvāramāhani.[ 231] maraṇe anaṃtabhāgo ikkikke marai āimaṃ mottuṃ |
anusamayāī neyaṃ paḍhamacarimaṃtaraṃ natthi || - vṛ. 'maraṇe' prāguktarūpe anantabhāga ekaikasmin mriyate, kiṃ sarvasminnapi ? netyāha'ādimam' āvīcimaraṇaṃ, tasyaivādyatvāt, ‘muktvā' apahāya, iyamatra bhāvanā-śeṣamaraṇasvāmino hi sarvajīvāpekṣayā anantabhāga eveti teṣvananto bhāgo mriyata ityucyate, āvīcimaraṇasvāminastu siddhavirahitāḥ sarva eva jīvāḥ, te cānantā itikṛtvā'nantabhāgahīnāḥ sarve jīvā mriyante ityucyate| uktaṃ katibhāgo mriyate ekaikasminniti dvāram, adhunā'nusamayadvāramāha'anusamaya'tti samayaṃ samayamanu anusamayaṃ, vīpsāyāmavyayībhāvaḥ, tataścānusamayaṃ-satatam,