Uttarajjhayana v28.p271

v28.p271

uttarādhyayana-mūlasūtram-1-9/288 va. 'tataḥ' tadanantaraṃ, pāṭhāntarataśca 'sa' iti śakro vanditvā 'pādau' caraṇo, cakraṃ cāṃkuśaśca pratītāveva, tatpradhānāni lakṣaṇāni yayostau tathā, munivarasya namināmna iti prakramaḥ, tata 'ākāśena' nabhasā uditi-ūrdhvaṃ devalokabhimukhaṃ patito gata utpatitaḥ, lalite ca te savilāsatayā capale ca cañcalatayā lalitacapale tathāvidhe kuṇḍale karṇābharaṇe yasyāsau lalitacapalakuṇḍalaḥ, sa cāsau kirīṭī ca-mukuṭavān lalitacapalakuṇḍakirīṭī iti sūtrārthaḥ || sa evaṃvidhaḥ svayamindreṇābhiṣṭrayamānaḥ kimutkarṣaṃ manasyāptavān uta netyāhamū.( 289) namī namei appāṇaṃ, sakkhaṃ sakkeṇa coio|
cāiūṇa gehaṃ vaidehī, sāmanne pajjuvaḍio|| vṛ. namirnamayati-bhāvataḥ prahvībhavantamātmānaṃ svatattvabhāvanayā viśeṣataḥ praguṇayati, na tūtsiktatāṃ nayati, tatkālāpekṣayā laṭ, kathaṃbhūtaḥ san? -'sākṣāt' pratyakṣatāmupagamya 'śakreṇa' indreṇa 'coito'tti preritaḥ 'tyaktvā' apahāya 'gehaṃ' gṛhaṃ 'vaidehī'tti sūtratvādvidehā nāma janapada: so'syāstīti videhī videhajanapadādhipo, na tvanya eva kaściditi bhāvaḥ, yadvāvideheṣu bhavā vaidehi-mithilā purī, subvyatyayāttāṃ ca tyaktveti sambandhanīyaṃ, 'śrāmaṇye' śramaṇabhāve ‘paryupasthita:' udyataḥ, abhūditi śeṣaḥ, yadvā-namirnamayati saṃyamaṃ prati pravaṇīkarotyātmānaṃ, kīdṛśaḥ ?-śakreṇa preritaḥ kathaṃ ?-sākṣāt svayaṃ, na tvanyapārśvaprahitasandeśakādinā, śrāmaṇye paryupasthitaḥ, na tu tatpreraṇāto'pi dharmaṃ prati vipluto'bhūditibhāva iti sūtrārthaḥ | kimeṣa evaivaṃvidhaḥ?, utānye'pītyāhamū. ( 290) evaṃ kariti saṃbuddhā, paṃḍiyā paviyakkhaṇā|
viṇiyaṭṭati bhogesu, jahā se namirāyarisi||ttibemi vṛ. 'evam' iti yathaitena naminā niścalatvaṃ kṛtaṃ tathā'nye'pi kurvanti, upalakṣaṇatvādakāryuḥ kariṣyanti ca, na tvayameva, nidarśanatayaivāsyopāttatvāt, kīdṛśāḥ punaranye'pyevaṃ kurvanti?'sambuddhāḥ' mithyātvāpagamato'vagatajīvājīvāditattvāḥ ‘paṇḍitāḥ' suniścitaśāstrārthāḥ 'pravicakṣaṇāḥ' abhyāsātiśayataḥ kriyāṃ prati prāvīṇyavantaḥ tathāvidhāśca santaḥ kiṃ vidadhati?- 'vinivartante' viśeṣeṇa tadāsevanāduparamanti, kebhya: ?- bhogesu'tti bhogebhyaḥ, kiṃvat?-yathā sa 'namiḥ' namirājarṣiḥ niścalo bhūtvā tebhyo nivṛtta iti, yadvopadeśaparametat, yata evaṃ kurvanti sambuddhāḥ paṇḍitāḥ pravicakṣaṇāḥ evamiti kathamityāha-bhogebhyo vinivartante, viśeṣeṇa-atyantaniścalatālakṣaṇena nivartante bhogebhyo, yathā sa 'namiḥ' namināmā rājarṣiḥ, tato bhavadbhirapyevaṃvidhairitthameva vidheyamiti sūtrārthaḥ || 'itiḥ' parisamāptau 'bravīmi' iti pūrvavat | nayāśca prāgvaditi ||
adhyayanaṃ 9 samāptam muni dīparatnasāgareṇa saṃśodhitaṃ sampāditaṃ uttarādhyayanasūtre
navamamadhyayanaṃ saniyuktiḥ saṭīkaṃ samāptam