Uttarajjhayana v28.p308

v28.p308

brāhmaṇo brahmacaryeṇa yathā śilpena śilpikaḥ | anyathā nāmamātraṃ syādindragopakakīṭavat ||2||
na caivaṃvidhakriyā brahmacaryātmikā kopādyupeteṣu tattvataḥ sambhavatyato na tāvajjātisambhavaḥ, tathā vidyāpi sacchāstrātmikā, sacchāstreṣu ca sarveṣvahiṃsādipañcakameva vācyaṃ, yata uktam“pañcaitāni pavitrāṇi, sarvveṣāṃ dharmmacāriṇām | ahiṃsā satyamasteyaṃ, tyāgo maithunavarjjanam ||"
tadyuktvayaṃ ca tattajjñānādeva bhavati, jñānasya tu viratiḥ phalaṃ rāgādyabhāvaśca, yata uktam" tajjñānameva na bhavati yasminnudite vibhāti rāgagaṇaḥ | tamasaḥ kuto'sti ? śaktirdinakarakiraṇāgrataḥ sthātum ||"
na caivamagnyādyārambhiṣu kopādimatsu ca bhavatsu virate rāgādyabhāvasya ca sambhavo'sti, na ca niścayanayamatena phalarahitaṃ vastu sat, tathā ca niścayo yadevārthakriyākāri tadeva paramārthasadityāha tataḥ sthitametat- 'tāiṃ tu' tti turavadhāraṇe bhinnakramaśca tataśca tāni bhavadviditāni brāhmaṇalakṣaṇāni kṣetrāṇi supāpakānyeva, na tu supeśalāni, krodhādyuṣetatvenātiśayapāpahetutvāditi sūtrārthaḥ || kadācite vadeyuḥ - vedavidyāvido vayamata eva ca brāhmaṇajātayastatkathaṃ jātividyāvihīnā ityuktāvānasītyāha
mū. ( 374 ) tubbhittha bho ! bhāraharā girāṇaṃ, aṭṭaṃ na yāṇāha ahijja vee| uccāvayāiṃ muṇiṇo caraṃti, tāiṃ tu khittāiṃ supesalāī ||
vṛ. yūyamatreti - loke 'bho' ityāmantraṇe bhāraṃ dharantīti bhāradharāḥ, pāṭhāntarato vā-'bhāravahā' vā, kāsāṃ?-‘girāṃ’ vācāṃ, prakramādvedasambandhinīnām, iha ca bhārastāsāṃ bhūyastvameva, kimiti bhāradharā bhāravahā veti ucyate, yato'rtham abhidheyaṃ na jānītha - nāvabudhyadhve ?, 'ahijja 'tti apergamyamānatvādadhītyāpi 'vedān' ṛgvedādīn, tathāhi - 'ātmā vā re jñātavyo mantavyo nididhyāsitavya:” tathā “karmmabhirmṛtyumṛṣayo niṣeduḥ, prajāvanto dravinamanvicchamānāḥ, athāparaṃ karmmabhyo'mṛtatvamānaśuḥ,
pareṇa nākaṃ nihitaṃ guhāyāṃ, vibhrāyate yadyatayo viśanti | vedāhamenaṃ puruṣaṃ mahāntaṃ tameva viditvā amṛtatvameti ||
28/20
305
'nānyaḥ panthāḥ ayanāye' tvādivacanānāṃ yadyarthavettāraḥ syustatkimitthaṃ yāgādi kurvvīran ?, tatastattvato vedavidyāvido bhavantā na bhavanti, tatkathaṃ jātividyāsampannatvena kṣetrabhūtāḥ syuḥ ? | kāni tarhi bhavadabhiprāyeṇa kṣetrāṇītyāha- 'uccāvayāī 'tti uccāvacāni - uttamādhamāni munayaścaranti- bhikṣānimittaṃ paryaṭanti gṛhāṇi, ye iti gamyate, na tu bhavanta iva pacanādyārambhapravṛttayaḥ, ta eva paramārthato vedārthaṃ vidanti, tatrāpi bhaikṣavṛttereva samarthitatvāt, tathā ca vedānuvādina:

"cared mādhukarīṃ vṛttimapi mlecchakulādapi | ekānnaṃ naiva bhuñjīta, bṛhaspatisamādapi || "