Uttarajjhayana v28.p321

v28.p321

uttarādhyayana- mūlasūtram - 1-13 / 407 bhāvārthastvayam-sahi brahmadattaḥ pūrvajanmani vārāṇasyā saṃbhūtanāmā caṇḍālaścitaśca tajjyeṣṭha āsīt, tatra ca namucināmā brāhmaṇo mamāntaḥ puramapadharṣitamanenetyutpannakopena rājñā samarpito māraṇanimittaṃ mātaṅgādhipasya tatpituḥ, uktaścāyametena-yati matsutau sakalakalākalāpakuśalau vidhatse tato'sti te jīvitamanyathā neti, prārabdhaṃ ca tadarthinā'nena tadgṛha evātiguptasthānasthitena tadadhyāpanaṃ, grāhito tau vyākaraṇavīṇāpuraḥsarāḥ sakalā api kalāḥ, anyadā ca śuśrūṣāparāyāṃ tanmātari mohodayādayamupapatitvamājagāma, jñātastajjanakena, iṣṭaśca mārayituṃ, jñātaṃ tattābhyāṃ, jñāpitaṃ cāsmai, upādhyāyo'yabhāvayostato mā bhūdasyāpaditi, tadavagamācca palāyito'sau tataḥ sthānāt, prāpto hastināgapuraṃ, kṛtaḥ sanatkumāracakravarttinā mantrī |
itaśca tau citrasaṃbhūtau sātiśayagītakalākṣiptaruṇījanātyāsaktihetutayā tyājitaspṛśyāspṛśya vibhāgau janena rājñe niveditau, yathāvināśitaṃ nagaramābhyāṃ niṣiddhastena nagarasyāntastatpracāraḥ, kadācicca tāvatikutūhalatayā kaumudramahavilokanārthamāgatau, dṛṣṭau janena, kadarthitāvatyarthaṃ, pravavrajatuśca tata evotpannavairāgyau, jātau vikṛṣṭataponiṣṭaptadehau, prāptāścābhyāṃ tejoleśyādilabdhayaḥ, samāpattitaśca gatau hastināgapuraṃ praviṣṭo māsakṣapaṇapāraṇake tatra bhikṣārthaṃ saṃbhūtayatiḥ, dṛṣṭaśca namu cinā, jāto'sya cetasi duradhyavasāyo-madduścaritamayaṃprakāśayiṣyatīti, nirbhatsito- dhig muṇḍa cāṇḍāla ! kva nagarasyāntaḥ 'praviṣṭo'si ? ityādiniṣṭuravacobhiḥ prahata iṣṭakopalaśakalādibhistatparijanena, tadanu ca samastalokena, kupitaścāsau tebhyaḥ samastajanadahanakṣamāsahyatejoleśyāṃ moktumupacakrame, tatra ca mukhaviniryadvahaladhūmapaṭalāndhakāritadikcakravāle vyākulitaḥ sāntaḥpuraḥ sanatkumāracakravarttī sakalo nagaralokaśca samāyātasvatpārśve, tadṛttāntaśravaṇataścitraśca, prārabdhastairanekadhā sāntvanavacanairupaśamayituṃ, tathā'pi tatrātmānamasmaratyatikopavaśage bhagavati mā bhūdasmākamakasmādbhasmībhavanamiti strīratnasahito mahīpatistaṃ kṣamayāmbabhūva, yathā- bhagavan ! kṣamitavyamasmākamidamiti, asmiścāntare strīratnakomalālakasparśasamutpannatadabhilāṣo vigalitānuśayaścāṇḍālajātireva mamaivamanekadhā kadarthanāheturiti cintayaṃścitrayatinā nivāryamāno'pi yadi mamāsya tapasaḥ phalamasti tadā'nyajanmani cakravarttitvameva mama bhayād yenāhamapyevaṃ lalitalalanāvilāsāspadamuttamajātiśca bhavāmīti nidānavaśago'naśanaṃ prapede |
tataḥ sa tapo'nubhāvato nalinagulmavimāne vaimānikatvenājani, tataśca cyutaścalanyāṃ brahmadattaḥ samutpede | kva ? ityāha -

kaṃpille saṃbhūo |
vṛ. ‘kāmpilya' iti pañcālamaṇḍalasya tilaka iva kāmpilyanāgni ganare 'saṃbhūta' iti pūrvajanmani saṃbhūtanāmā | amuṃ pādamatikrāntasūtrottarapādadvayaṃ caitadgaditārthaprasaṅgāyātārthāntarābhidhānadvārataḥ spṛśan sūtrasparśika niyuktimāha niyuktikṛt

rāyā ya tattha baṃbho kaḍao taio kaṇeradattoti | rāyā ya pupphacūlo dīho puna hoi kosalio || ee paṃca vayaṃsā savve saha dāradarisiṇo bhoccā |