Uttarajjhayana v28.p354

v28.p354

acireṇeva kālena, dukkhassaṃtamuvāgayā ||
vṛ. 'śāsane' darśane vigatamohānām - arhatāṃ 'pūrva' mityanyajanmani bhāvanayā - abhyāsarūpayā bhāvitāni -vāsitāni bhāvanābhāvitāni, yadvā bhāvitā bhāvanā yaistāni bhāvitabhāvanāni, pūrvottaranipātasyātantratvād, ata evācireṇaiva svalpenaiva kālena 'duḥkhasyāntaṃ' mokṣam ' upāgatāni' prāptāni, sarvatra ca prākṛtatvātpuṃlliṅganirdeśaḥ | mandamatismaraṇāyādhyayanārthamupasaṃhartṛmāhamū. ( 494 ) rāyā saha devīe, māhaṇo u purohio | māhaṇī dāragā ceva, savve te parinivvuḍi || ttibemi
vṛ. 'rājā' iṣukāraḥ saha 'devyā' kamalāvatyā brāhmaṇaśca purohito bhṛgunāmā brāhmaṇī tatpattrī yasā dārakau tatputrau caiveti pūrvavatsarvāṇi tāni 'parinirvṛtāni' karmāgnyupaśamataḥ śītībhūtāni muktiṃ gatānītiyāvaditi sūtratrayārthaḥ ||
'iti' parisamāptau bravamīti pūrvavat | ukto'nugamaḥ, samprati nayāste ca pūrvavat | adhyayanaṃ - 14 samāptam
muni dīparatnasāgareṇa saṃśodhitā sampāditā uttarādhyayasūtre caturdaśaadhyayanasya bhadrabāhusūriviracitā niryuktiḥ evaṃ śāntyācāryaviracitā ṭīkā parisamāptā adhyayanaṃ - 95 - sabhikṣukaḥ
"
vṛ. vyākhyātaṃ caturdaśamadhyayanaṃ samprati pañcadaśamārabhyate, asya cāyamabhisambandhaḥ - ihānantarādhyayane nirnidānatāguṇa uktaḥ, sa ca mukhyato bhikṣoreva, bhikṣuśca guṇata iti tadguṇā anenocyanta ityanena sambandhenāyātasyāsyādhyayanasya catvāryanuyogadvārāṇi pūrvavadvayāvarṇyāni tāvadyāvannāmaniṣpannanikṣepe sabhikṣukamiti nāma, tatra ca saśabdo bhikṣuśabdaśca daśavaikālika eva nikṣiptastathā'pi sthānāśūnyārthaṃ bhikṣunikṣepamāha niyuktikṛt

nikkheva bhikkhumī cauvviho0 || jāṇayasarīrabhavie tavvairitte a niṇhagāīsu | jo bhai khuhaṃ khalu so bhikkhū bhāvao hoi ||
vṛ. 'nikṣepa:' nyāsaḥ bhikṣau vicārye caturvidho nāmasthāpanādravyabhāvabhedāt, tatra nāmasthāpane kṣuṇṇe, dvividho bhavati dravye vicārye āgamato noāgamataḥ, tatrāgamato bhikṣupadārthajñastatra cānupayukto, noāgamataśca sa trividha:- 'jāṇagasarīrabhavie'tti jñaśarīrabhavyaśarīre tadvyatiriktaśca tatrādyau sugamāveva tadyatiriktastu dravyabhikṣurnihnavādiṣu, ādi
śabdātsarajaskādiṣu cānyataro vivakṣita iti gamyate, dravyatvaṃ cāsya rāgādilakṣaṇakṣuddhettṛtvābhāvāt, bhāvabhikṣumāha-yo 'bhinatti' vidārayati kṣudhaṃ 'khaluḥ' avadhāraṇe bhinnakramaśca, tataḥ sa eva bhikṣurbhāvato bhavatīti gāthādvayārathaḥ | iha ca bhinattītyuktamataḥ kartukaraṇakarmabhiḥ prayojanaṃ, sakarmakatvādbhideḥ, ata āha

bhettā ya aṇaṃ vā nāyavvaṃ bhidiyavvayaṃ | ikkikaṃpi a duvihaṃ davve bhāve a nāyavvaṃ ||