Uttarajjhayana v28.p54

v28.p54

vṛ. pratyanīkam' iti pratikūlaṃ, ca: pūraṇe, ceṣṭitamityuparaskāraḥ; bhāvapradhānatvādvā nirdeśasya pratyanīkatvaṃ, kepām? - 'buddhānām' avagatavastutattvānāṃ gurūṇāmitiyāvat, kayā? -vācā, ki tvamapi kiñcijjānīpe? ityevaṃrūpayā viparītaprarūpaṇāyāṃ preritastvayevetaditthamasmākaṃ prarūpitamityādyātmikayā vā, athavā 'karmaṇā' saṃstārakātikramaṇakaracaraṇasaṃsparśanādinā 'āviḥ' janasamakṣa prakāśadeśa itiyāvat, yadivā 'rahasye' viviktopāśrayādau 'na' iti niṣedhe 'evaḥ' avadhāraṇe, sa ca 'śatrorapi guṇā grāhyāḥ, dopā vācyā gurorapi'ti kumatanirākaraṇārthaḥ, 'kuryāt' iti vidadhyāt, kadācit' parupabhāṣaṇādāvapi iti | punaḥ śuśrūṣaṇātmakaṃ tamevāhamū. (18) na pakkhao na purao, neva kiccāṇa piṭṭhao|
na juṃje uruṇā ūraṃ, sayaṇe na paḍissuṇe|| vṛ.'na pakṣataḥ' dakṣiṇādipakṣamāśritya, upaviśediti sarvatropaskāraḥ, tathopaveśane tatpaṃktisamāveśataḥ tatmāmyāpādanenāvinayabhāvāt, gurorapi vakrāvalokane skandhakandharādibādhāsambhavāt, na 'purataḥ' agrataḥ, tatra vandakajanasya guruvadanānalokanādinā'prītibhāvāt, ‘naiva' iti pūrvavat, kṛtiḥ-vandakaṃ tadarhanti kṛtyā: 'daṇḍāditvād yapratyayaḥ' te cārthādācāryādayasteṣāṃ pṛṣṭhataḥ' pṛṣṭhadeśamāśritya, dvayorapi mukhādarśane tathāvidharasavattā'bhāvādidoṣasaṃbhavāt, 'na yujyāt' na saṃghaṭṭayed atyāsanopaveśādibhiḥ, 'uruṇā' ātmīyena, 'uruṃ' kṛtyasambandhinaṃ, tathākaraṇe'tyantāvinayasambhavāt, upalakṣaṇaṃ caitat śeṣāṅgasparśaparihāsya, 'śayane' śayyāyāṃ śayita āsīno veti śeṣaḥ, kimityāha-na pratiśṛṇuyāt, kimuktaṃ bhavati ?-kadācicchayyāgato guruṇā''kārita ukto vā kṛtyaṃ prati na tathāsthita evāvajñayā kurma evamityādivacanataḥ pratijānīyat, kintu guravacanasamanantarameva sambhrāntacetā vinayaviracitakarāñjāliḥ samīpamāgatya pādapatanapurassaramanugṛhīto'hamiti manyamāno bhagavanicchāmo'nuśiṣṭimiti vadediti sūtrārthaḥ|| mū.(19) neva pahatthiyaṃ kujjā, pakkhapiṃḍaṃ va saṃjae|
pāe pasārie vāvi, na ciḍhe gurunaṃtie| vṛ. naiva paryastikāṃ' jānujaṃghoparivastraveṣṭanā''tmikāṃ kuryāt ‘pakṣapiṇḍaṃ vā' bāhudvayakāyapiṇḍātmakaṃ, 'saṃyataḥ' sādhuḥ, tathā pādau prasārayet vā'pi naiva, vā samuccayārthaḥ, apiḥ kiṃ punarita ito vikṣipediti nidarśanārthaḥ, anyacca-'natiṣṭhet' nā''sīta, kva?, gurūṇāmantike iti, prakramādatisannidhau, kintūcitadeśa eva, anyathā'vinayadoṣasambhavāt, athavā 'pāe pasārie vāvi'tti pāṭhāt, pādau prasāritau vā'pi, kṛtveti śeṣaḥ, ekārasyālākṣāṇikatvāt prasārya vā na tiṣṭhedguruṇāmantike ucitapradeśe'pīti, upalakṣaṇaṃ caitaddaṇḍapādikā'vaṣṭambhādīnāmiti sūtrārthaḥ || punaḥ pratiśravaṇavidhimeva saviśepamāhamū. (20) āyariehiṃ vāhito, tusiṇīo na kayāivi|
pasāyaṭṭhī niyāgaṭṭī, uvaciṭṭha guruṃ saya|| vṛ. ācāryaiḥ' upalakṣaṇatvādupādhyāyādibhiḥ 'vāhito'tti vyāhṛtaḥ-śabditaḥ 'tusiṇīo'tti tūṣṇīka: tūṣṇīśīlaḥ, na kadācikapi' glānādyāvasthāyāmapi, bhavediti gamyate, kintu
"dhanyasyoparinipatatyahitasamācaraṇadharmanirvāpī|