Uttarajjhayana v28.p69

v28.p69

uttarādhyayana- mūlasūtram - 1-1/48 evaṃ kriyāmapi vinā nāsau bhavatīti tadavinābhāvitvamapi samānameveti kathaṃ nobhayanibandhanatvasiddhi: ?, tathā cāha
"nāṇaṃ savisayaniyayaṃ na nāṇamitteṇa kajjanipphattī | mannū diṭṭhato hoi saciṭṭho aciṭṭho ya ||" jāto'vi ya tariḍaṃ kāiyajogaṃ na juṃjai jo u | so bujjhai soeṇaṃ evaṃ nāṇī caraṇahīno ||"
na ca marudevyādīnāmapi sarvasaṃvararūpā kriyā nāsti, evaṃ kriyāvādinā'pi - 'yad yatsamanantarabhāvi tat tatkāraṇaṃ, yathā pṛthivyādisāmagrayanantarajanmā tatkāraṇo'kuraḥ, tathā ca kriyānantarabhāvinī muktiriti yo heturupanyastaḥ so'pyanekāntikaḥ, yataḥ sa evaṃ vācyaḥ - yadā śaileśyavasthāyāṃ sarvasaṃvararūpā kriyā yadanantaraṃ muktyavāptistadā jñānamasti vā na veti ?, nāsti cecchaileśyavasthā'pi katham, na hīyaṃ kevalajñānaṃ vinā'vāpyate, athāstyeva tadā sakalabhāvasvabhāvāvabhāsi kevalajñānam, evaṃ ca sati kathamubhayāvinābhāvitve'pi nobhayaphalatvaṃ mukteḥ, uktaṃ ca- " sahacāritte'vi kahaṃ kāraṇamegaṃ na uṇa egaṃ" āha evaṃ jñānakriyayo: pratyekaṃ mukravāpikā śaktirasatī kathaṃ samudāye'pi bhavati ? na hi yad yeṣu pratyekaṃ nāsti tatteṣāṃ samudāye'pi bhavati, tathā pratyekamasat samuditāsvapi sikatāsu tailaṃ, pratyekamasatī ca jñānakriyayoḥ mukteravāpikā śaktiḥ, taduktam
'patteyamabhāvāo nivvāṇaṃ samudiyāsuvi na suttaṃ |
nānakiriyāsu vuttuṃ sikayāsamudāya tillaṃ va ||"
ucyate, syādevaṃ yadi sarvathā pratyekaṃ tayormuktyanupakāritocyeta yadā tu tayoḥ pratyekaṃ deśopakāritā samudāye tu sampūrṇahetutocyate tadā na kaścidoṣa:, āha ca
"vīsu na savvahu cciya sikayātillaṃ va sāhaṇābhāvo | sovakāriyā jā sā samavāyaṃmi saṃpuṇṇā ||"
ataḥ sthitametat jñānakriye samudite eva muktikāraṇu na tu pratyekamiti tattvaṃ, tathā ca pūjyā:
"nāṇāhīnaṃ savvaṃ nāṇanao bhaṇati kiṃ ca kiriyāe ? | kiriyāe caraṇanao tadubhayagāho ya sammattaṃ || " kvacit sautryā śailyā kvacidadhikṛtaprākṛtabhuvā kvaciccārthāpattyā kvacidapi samāropavidhinā | kvaciccādhyāhārāt kvacidavikalaprakramabalādiyaṃ vyākhyā jñeyā kvacidapi tathā''mnāyavaśataḥ || 1 || adhyayanaṃ 1 samāptam
muni dīparatnasāgareṇa saṃśodhitā sampāditā uttarādhyayanasūtre prathama adhyayanasya bhadrabāhusvāmiviracitā niryukti evaṃ śāntyācāryaviracitā ṭīkā parisamāptā |

-