Uttarajjhayana v29.p108

v29.p108

105 iti 'cittavat' dvipadādi acittaṃ ca' svarṇādi 'alpaṃ vā' saṅkhyayā pramāṇena ca stokaṃ yadivā ‘bahuṃ' tābhyāmeva pracuraṃ na gṛhṇāti ‘adattam' anisṛṣṭaṃ yastaṃ vayaṃ brūmo brāhmaṇaṃ, tathā ca tatrāpyuktam
"paradravyaṃ yadā dṛṣṭvā , ākule hyathavā rahe|
dharmakāmo na gahṇāti, brahma sampadyate tadā ||" anyaśca-divyaviṣayatvāddivyaṃ mānuṣaviṣayatvānmānuṣa tiryakṣu bhavaṃ tairaścameṣāṃ samāhāro divyamānuṣatairaścaṃ yo na sevate maithunaṃ 'manasā' cittena kāyaśca-śarīraṃ vākyaṃ ca-vacanaṃ kāyavākyaṃ tena taṃ vayaṃ brūmo brāhmaṇaṃ, tathā ca tatrāpyuktam
"devamānupatiryakṣu, maithunaṃ varjayedyadā|
kāmarāgaviraktaśca, brahma sampadyate tadā||" api ca-yathā 'padmaṃ' kamalaṃ jale upalakṣaṇatvājjalamadhye 'jātam' utpannaṃ tatparityāgata uparivyavasthānataḥ 'nopalipyate' na śliṣyate 'vāriṇā' jalena, 'eva'miti padmavat alitta'tti aliptaḥ-aśliṣṭa: kāmyamānatvāt kāmaiḥ-manojñaiḥ śabdādibhirābālyāt taireva vṛddhi nīyamānatayā tanmadhyotpanno'pi yastaṃ vayaṃ brūmo brāhmaṇaṃ, tathā ca tatrāpyabhidhāyi
"yadā sarvaṃ parityajya, nissaṅgo niṣparigrahaḥ |
niścintaśca careddharmaṃ, brahma sampadyate tadā |"iti ___ itthaṃ mūlaguṇayogāttāttvikaṃ brāhmaṇamabhidhāyottaraguṇayogatastamevāha-'alolupam' āhārādipvalampaṭaṃ 'muhājīvi'tti subyatyayāt 'mudhājīvinam' ajñātoñchamātravṛtti, paṭhyate ca'muhājīvi'tti anagāramakiñcinaṃ prāgvat 'asaṃsaktam' asaṃbaddhaṃ, kaiḥ? -gṛhasthaiḥ, tṛtīyārthe saptamī viṣayasaptamī vā, anena kākvā piṇḍaviśuddhirūpottaraguṇayuktatvamuktaṃ, 'tam' uktaguṇayuktamapyevaṃvidhaṃ santaṃ vayaṃ brūmo brāhmaṇaṃ, kvacit paṭhyate ca
'jahittā puvvasaṃjogaṃ, nāisaṃge ya baṃdhave|
'jo na sajjai bhoehi, taṃ vayaṃ būma baṃbhaṇaṃ ||' atra 'pūrvaṃsaṃyoga' mātrādisambandhaṃ jñātisaṃyo-gān' svasrādisambandhān, ca-śabdo bhinnakramastataḥ ‘bāndhavāṃśca' bhrātrādīn, śeṣaṃ spaṣṭam, anena cātini:spṛhatābhidhānenottaraguṇā apyākṣiptā bhavanti|
syādetad-vedādhyayanaṃ yajanaṃ ca bhavātrāyakamiti tadyogādeva pātrabhūto brāhmaṇo na tu yathā tvayokta ityāśaṅkayāha-paśūnāṃ-chāgānāṃ bandho-vināśāya niyamanaṃ yairhetubhiste'mī paśubandhāḥ 'śvetaṃ chāgamālabheta vāyavyāṃ diśi bhūtikāma' ityādivkāyopalakṣitāḥ, pāṭhāntarataḥ paśavo baddhā yaiste āhitāgnyāderākṛtigaṇatvāt ktāntasya paranipāte paśubaddhāḥ, na tu ye ātmā vāre jñātavyo mantavyo nididhyāsitavyaḥ' ityādivākyopalakṣitāḥ 'sarvavedāḥ' ṛgvedādayaḥ 'jaṭuṃ'ti iṣṭaṃ yajanaṃ 'vā' samuccaye 'pāpakarmaṇā' pāpahetubhūtapaśubandhādyanuṣṭhānena tu harikeśīyādhyayanoktavidhinetibhāvaḥ, kimityāha-'na' naiva 'ta'miti prakramādvedādhyetāraṃ yaṣṭauraṃ vā 'trāyante' rakṣanti bhavāditi gamyate, kiṃviśiṣṭaṃ ? -'duḥśīlaṃ' tābhyāmeva hiṃsādipravarttanena durācāraṃ, kimiti?