Uttarajjhayana v29.p18

v29.p18

adhyayanaṃ-18,[ni. 404] ācāryadīn, kathaṃ vinīya'tti 'vinītaḥ' vinayavānityucyata iti sūtradvayārthaḥ | sañjayamunirāhamū.(581) saṃjao nāma nāmeṇaṃ, tahā gutteṇa goyamo|
gaddabhālī mamāyariyā, vijjācaraṇapāragā|| vṛ. yaduktaṃ tvayā-kināmā tvamiti, tatra sañjayo nāma nāmnā | yaccāvoca:-kiṃgotraḥ? iti, tatrāha-tathā gotreṇa' anveyana gotamaḥ, ubhayatrāhamiti gamyate, śeṣapraśnatrayaprativacanamāha'gardabhālayaḥ' gardabhālyabhidhānā mama ācāryāḥ' dharmopadeśakatvādinā, vidyate'nayā tattvamiti vidyā-śrutajñānaṃ tathā caryata iti caraṇaṃ-cāritraṃ vidyā ca caraṇaṃ ca vidyācaraṇe tayoḥ pāragāḥparyantagāmino vidyācaraṇapāragāḥ, evaṃ cavadato'yamāśayaḥ-yathā gardabhālibhirdharmācāryaijavidyātānivartito'haṃ, vidyācaraṇapāragatvācca taistanivṛttau muktilakṣaṇaṃ phalamuktaṃ, tatastadarthaṃ māhano'smi, yathā ca tadupadeśastathā gurūna praticarāmi, tadupadeśāsevanācca vinīta iti sūtrārthaḥ || itthaṃ vimṛśya tadguṇabahumānākṛṣṭacetā apṛṣṭo'pi kṣatriya idamāhamū. (582) kiriyaṃ akiriyaṃ vinayaṃ, annāṇaṃ ca mahāmunī!|
eehiṃ cauhiṃ ṭhāṇehi, meanne kiṃ pabhāsaī?|| vṛ.'kriyā' astītyevaṃrūpā, liṅgavyatyayānapuṃsakanirdeśaḥ, akriyā' tadviparītā 'vinayaḥ' namaskārakaraṇādiḥ, liṅgavyatyayaḥ prāgvat, tathā jñānaṃ-vastutattvāvagamastadabhāvo'jñānaṃ, 'ca:' samuccaye, 'mahāmune !' samyakpravrajyāpratipattiguruparicaryādikaraṇataḥ praśasyayate ! ‘etaiḥ' kriyādibhiścaturbhiḥ tiṣṭhantyeṣu karmavaśagā jantava iti sthānāni-mithyā'dhyavasāyādhārabhūtāni taiḥ, 'meyanne'tti, mīyata iti meyaṃ-jñeyaṃ jīvādivastu tajjānantīti meyajñāḥ kriyādibhiścaturbhiḥ sthānaiḥ svasvābhiprāyakalpitairvastutattvaparicchedina itiyāvat, 'kim' iti kutsitaṃ 'pabhāsai'tti prakarṣeṇa bhāṣante prabhāṣante, vicārākṣamatvāt, tathāhi-ye tāvakriyāvādinaste'stikriyāviśiṣṭamātmānaṃ manyamānā apitasya sadā vibhutvāvibhutvakartṛtvākartṛtvādibhirvipratipadyante, uktaṃ hi vācakaiḥ-kriyāvādino nāma yeṣāmātmano'stitvaṃ pratyavipratipattiḥ, kintu sa vibhurabhavibhuḥ kartā'kartā kriyāvānitaro mūrtimānamūrtirityevamādyāgrahopahṛtaprītayaste'sti mātā pitā'sti na kuśalākuśalakarmavaiphalyaṃ na na santi gataya ityevaṃpratijñāśca, iha ca vibhutvaṃ vyāpitvaṃ, taccātmano na ghaṭate, śarīra eva talliṅgabhūta caitanyopalabdheḥ, na ca vaktavyamātmano'vyāpitve 'sukhaduḥkhabuddhīcchādveṣaprayatna dharmādharmasaṃskārā navātmaguṇā' itivacanāttadguṇayodharmādharmayorapyavyāpitvaṃ, tathā ca dvīpāntaragatadevadattādṛṣṭākṛṣṭamaṇimuktādīnāṃ nehāgamanaṃ syāditi, vibhinnādeśasyāpyayaskāntāderayaḥ prabhṛtivastvākarṣaṇaśaktidarśanāddharmādharmayorapi śarīramātravyāpitve'pi tadvadviprakṛṣṭavastvākarṣakatvāditi na tāvadvibhurātmā yujyate| ___ tathā'vibhurapyaṃguṣṭhaparyāyadhiṣṭhāno yairiṣyate teṣāṃ sakalaśarīravyāpicaitanyāsattvaṃ, tadasatvācca śeṣaśarīrāvayaveṣu śastrādibhedādau vedanānubhavāsaṃbhavo, na caitad dṛṣṭamiṣṭaṃ vā, evaṃ sarvadā kartṛtvādikamapi yathā na yujyate tathā svadhiyā vācyaṃ 1 | ye tvakriyāvādinaste'stītikriyāviśiṣṭamātmānaṃ necchantyeva, astitve vā śarīreṇa sahaikatvānyatvābhyāmavaktavyamicchanti, ekatve hyavinaṣṭaśarīrāvasthitau na kadācinmaraṇapraśastiḥ, ātmanaḥ śarīrānanyatvenāvasthitatvāt, tathā