Uttarajjhayana v29.p221

v29.p221

uttarādhyayana-mūlasūtram-2-32/1357 iti parisamāptau, bravīmiti pūrvavat | avasito'nugamo, nayāśca prāgvat ||
adhyayanaṃ 32 samāptam muni dīparatnasāgareṇa saṃśodhitaṃ sampāditaṃ uttarādhyayanasūtre dvātriṃśamadhyayanaṃ saniyuktiḥ saṭīkaṃ parisamāptam
adhyayanaṃ-33-karmaprakṛtiḥ) vṛ. vyākhyātaṃ pramādasthānākhyaṃ dvātriṃśamadhyayanamidānīṃ trayastriṃśamārabhyate, asya cāyamabhisambandhaḥ-ihānantarādhyayane pramādasthānānyuktāni, taiśca 'mithyātvāviratipramādakaṣāyayogā bandhahetavaḥ' itivacanātkarma badhyate, tasya ca kāḥ prakṛtayaḥ ? kiyatī vā sthitiḥ ? ityādisandehāpanodāyedamārabhyate, asya ca caturanuyogadvāracarcā prāgvadyāvannāmaniṣpannanikṣepe karmaprakṛtiriti nāma, ataḥ karmaṇaḥ prakṛteśca nikṣepābhidhānāyāha niyuktikṛt
ni. [531] kammaṃmi a nikkhevo cauvviho0 || ni. [532] jāṇagabhaviyasarīre tavvairitte ca taṃ bhave duvihaṃ |
kamme nokamme yā kammaṃmi a anudao bhaṇio| ni. [533] nokammadavvakammaṃ nāyavvaṃ leppakammamāīaṃ|
bhāve udao bhaṇio kammaṭṭavihassa nāyavvo|| ni. [534] nikkhevo payaḍīe cauvvi0 || ni. [535] jāṇagabhaviyasarīre tavvairitte ca taṃ bhave duvihaṃ|
kamme nokamme yā kammami a anudao bhaṇio|| ni. [536] nokamme davvāiṃ gahaṇapāuggamukkagāiṃ ca|
bhāve udao bhaṇio mūlapayaḍi uttarāṇaṃ ca || 7. kammamītyādi gāthāḥ ṣaṭ sugamāḥ navaraṃ karmaṇi' jñānāvaraṇādike udayo-vipākastadabhāvo'nudayo bhaṇitaḥ, kimuktaṃ bhavati?-anudayāvasthaṃ karmaiva karmakāryākaraṇāt tadvyatiriktaṃ dravyakarma, nokarmadravyakarma jñātavyaṃ lepyakarmādikam, ādiśabdātkāṣṭhakarmādiparigrahaḥ, nokarmatā cāsya jñānāvaraṇādikarmābhāvarūpatvāt, dravyakarmatā ca dravyasyapratimādeḥ kriyamāṇatvāt, 'bhāve' vicārye prakramātkarma 'udayaḥ' vipāka: bhaṇita:' uktaḥ, ayaṃ ca kasya sambandhī jñāyatām ? ityāha-'kammaṭṭhavihassa'tti prāgvadaṣṭavidhakarmaṇo jñātavyo, jñānāvaraṇādyaṣṭavidhakarmodayāvasthaṃ bhāvakarma, tasyaiva karmakāryakaraṇāditi bhāvaḥ||
prakṛtinikṣepe karmaṇi-mūlaprakṛtyādirūpe'nudayastadyatiriktā dravyaprakṛtiḥ, nokarmāṇi dravyāṇi grahaṇaprāyogyāni yānyadyāpi tāvanna gṛhyante grahaṇayogyatā cāsti yeṣām, ārṣatvātsupo luka, tathā muktānyeva muktakāni-yāni karmatayā pariṇamayya projjhitāni yathākramaṃ puraskṛtapaścātkṛtaparyāyatvād, 'bhāva' iti bhāve vicārye 'udayaḥ' vipākaḥ bhaṇita:' uktaḥ prakṛtiriti prakramaḥ, kāsāmityāha-'mūlapagaḍi uttarāṇaṃ ca' tti mūlaprakṛtīnāmuttaraprakṛtīnāṃ cehaiva vakṣyamāṇānāmiti || ityavasito nāmaniṣpannanikṣepaḥ, samprati sūtrānugame sūtramuccāraṇīyaṃ |