Uttarajjhayana v29.p25

v29.p25

uttarādhyayana-mūlasūtram-2-18/610 kevalalakṣmī parinirvṛta iti śeṣaḥ, iti saptadaśasūtrārthaḥ | itthaṃ mahāpuruṣodāharaṇairjñānapūrvakakriyāmāhātmyamabhidhāyopadeṣṭhumāhamū.(611) kahaṃ dhīro aheūhiṃ, ummatto vva mahiṃ care?|
ee visesamādāya, sūrā daḍhaparakkamā|| vṛ.'kathaṃ' kena prakāreṇa 'dhīraḥ' uktarūpa: 'ahetubhiḥ' kriyāvādyādiparikalpitakuhetubhiḥ 'unmatta iva' grahagṛhīta iva tāttvikavastvapalapanenālajālabhāṣitayā 'mahīṃ' pṛthvī 'caret' bhramet ?, naiva caredityarthaḥ, kimiti?, ye 'ete' anantaroditā bharatādayaḥ 'viśeṣa' viśiṣṭatāṃ gamyamānatvānmithyādarśanebhyo jinaśāsanasya 'ādāya' gṛhītvā manasi saṃpradhāryetiyāvat śūrā dṛḍhaprarākramā etadevāśritavanta iti śeṣaḥ, ayamabhiprāyaḥ-yathaite mahātmano viśeṣamādāya kuvādiparikalpikakriyāvādyādidarśanaparihārato jinaśāsana eva niścitamatayo'bhūvaṃstathā bhavatā'pi dhīreṇa satā'sminneva niścitaṃ ceto vidheyamiti sūtrārthaḥ || kiñcamū. (612) accaṃtaniyāṇakhamā, esā me bhāsiyā vaī|
. atariṃsu taraṃtege, tarissaṃti anāgayā| vṛ.atyantam-atiśayena nidānaiḥ-kāraṇaiḥ, ko'rthaḥ?-hetubhirna tu parapratyayenaiva, kṣamāyuktā'tyantanidānakṣamā, yadvā nidānaṃ-karmamalaśodhanaṃ tasmin kṣamā-samarthā 'eṣā' anantaroktā pāṭhāntarataḥ 'sarvā' aśeṣā satyā vā 'me' mayā 'bhāṣitā' uktā 'vāga' vāṇī jinaśāsanamevāśrayaṇīyamityevaṃrūpā, anayā'ṅgīkṛtayā atīrghaḥ' tīrṇavantaḥ taranti 'eke' apare, pāṭhāntarato'nye, sampratyapi tatkālāpekṣayā kṣetrāntarāpekṣayā vetthamabhidhānamiti, tathā tariṣyanti 'anāgatāḥ' bhāvino, bhavodadhimiti sarvatra śeṣa iti sūtrārthaḥ | yataścaivamataḥmū.(613) kahaṃ dhīre aheūhiṃ, addāyaṃ pariyāvase|
savvasaṃgavinimmukko, siddhe bhavai nīrae | tibemi|| . vṛ.kathaṃ dhīro'hetubhiḥ 'ādāya' gṛhītvā, kriyādivādimatamiti śeṣaḥ 'paryāvaset' parītisarvaprakāramāvaset-tatraiva nilīyeta, naiva tatrābhiniviṣṭo bhavediti bhāvaḥ, paṭhyate ca-'attāṇaṃ pariyāvasi'tti ātmānaṃ paryāvāsayed, ahetubhiḥ kathamātmānamahetvāvāsaṃ kuryāt ?, naiva kuryādityarthaḥ | kiṃ punaritthamakaraṇe phalamityāha-sarve-niravaśeṣāḥ sajanti karmaṇā sambadhyante jantava ebhiriti saṅgāḥ-dravyato dravinādayo bhāvatastu mithyātvarūpatvādeta eva kriyādivādastairvinirmukto-virahitaḥ sarvasaṅgavinirmuktaḥ san siddho bhavati nīrajāḥ, tadanenāhetuparihārasya samyagjñānahetutvena siddhatvaṃ phalamuktamiti sūtrārthaḥ | itthaṃ tamanuśāsya gato vivakṣitaṃ sthānaṃ kṣatriyaḥ, śeṣasañjayavaktavyatāṃ tvāha niyuktikṛtni.[ 405] kāūṇa tavaccaraṇaṃ bahūni vāsāṇi so dhuyakileso| ..
taṃ ṭhāṇaṃ saṃpatto jaṃ saṃpattā na soyaṃti|| vṛ. sugamaiva, navaraṃ dhutāḥ-apanītāḥ kliśyantyeṣu satsu jantava iti kleśā:-rāgādayo yena sa dhṛtakleśo, yatsaṃprāptā na śocante, śokahetuśarīramānasaduḥkhābhāvāditi gāthārthaḥ|| .