Uttarajjhayana v29.p262

v29.p262

tāsāṃ tadupadeśaḥ anyathā vā ?, yadi cāritropakāritvena kiṃ na puruṣāṇāmapi ? athābalā evaitā balādapi purupai: paribhujanyanta iti tadvinā tāsāṃ cāritravādhāsambhavo na puruṣāṇāmiti na teṣāṃ tadupadeśaḥ, uktaṃ ca--" vastraṃ vinā na caraṇaṃ tāsāmityarhataucyata |
vinā'pi puṃsāmiti nyavāryate "ti, evaṃ sati na celāccāritrābhāvastadupakāritvāttasya, tathāhi-yadyasyopakāri na tattasyābhāvahetu:, yathā ghaṭasya mṛtpiṇḍādi, upakāri coktanītyā cāritrasya celam, athānyatheti prakṣaḥ, ayamapi na kṣamo, yato'sau celasya cāritraṃ pratyaudāsīnyena bādhakatayā vā ?, na cedamasminnubhayamapyasti, puruṣābhibhavarakṣakatvena tasya tāsu tadupakāritayā anantaramevoktatvāt, nāpi celasya parigraharūpatvena cāritrābhāvahetutvaṃ yato mūrcchava parigraha itīhaiva parīpahādhyayane nirṇītaṃ, yadī ca celasya parigraharūpatā tadā tathāvidharogopasargādiṣu puruṣāṇāmapi celasambhave cāritrābhāvena muktyabhāvaḥ syāt, uktaṃ ca
"
"
'arśo bhagandarādiṣu gṛhītacīro yatirna mucyeta | upasarge vā cīre" ityādi, kiñca - celasya parigraharūpatve-“āme tālapalaṃbe bhinne abhinne vā no kappai niggaṃthīṇaṃ pariggahittae vā" ityādi nirgranthyā vyapadeśaścāgame na śrūyate, ato na sacelatvena cāritrāsambhavaḥ, nāpi strītvasya cāritravirodhitvena yato yadi strītvasya cāritravirodhaḥ syāttadā' viśeṣeṇaiva tāsāṃ pravrājanaṃ niṣedhyeta, na tu viśeṣeṇa, yathocyate - "gabbhiṇī bālavacchā ya, pavvāveuṃ na kappai"tti, nāpi mandattvatayā, yataḥ sattvamiha vratatapo dhāraṇaviṣayameṣitavyam, anyasyānupayogitvāt, tacca tāsvapyanalpaṃ sudurdharaśīlavatīṣu saṃbhavati, uktaṃ ca"brāhmīsundaryāryārājīmatī candanāgaṇadharādyāḥ |
api devamanujamahitā vikhyātāḥ śīlasattvābhyām||"
mom
ato na cāritrāsambhavena viśiṣṭaratnatrayasyābhāva:, itthaṃ ca cāritrasambhave siddha eva jñānadarśanasambhavaḥ, tatpūrvakatvāttasya, uktaṃ hi "pūrvadvayalābhaḥ punaruttaralābhe bhavati siddhaḥ " iti, tadabhāvapakṣo'pināśrayaṇīyaḥ, trayābhāvapakṣastvevaṃ tritayasiddhāvanavasara eva, dṛśyante ca sampratyapi tritayamabhyasyantyastāḥ, uktaṃ ca- "jānīte jinavacanaṃ śraddhatte cariti cāryikā'śabalam"iti, atha prakarṣaparyantaprāptasyābhāvaḥ, evaṃ tarhi tasyāpyabhāvaḥ kiṃ kāraṇābhāvena virodhisambhavena vā ?, na tāvatkāraṇābhāvena, aviśiṣṭaratnatrayābhyāsasyaiva tannibandhatvenāgame'bhidhānāt, tasya ca strīṣvanantarameva samarthitatvāt, nāpi virodhisambhavena, tasyāsmādṛśāmatyantaparokṣatvena kenaciddhirodhānirṇayāditi na ratnatrayābhāvena strīṇāṃ puruṣebhyo'pakṛṣyamāṇatvam, atha viśiṣṭasāmarthyāsattvena, idamapi kathamiti vācyaṃ ?, kiṃ tāvad asaptamanarakapṛthvīgamanatvenāhosvidvādādilabdhirahitatvenālpaśrutatvenānupasthāpyatāpārāñcitakaśūnyatvena vā ?, tatra na tāvadasaptamanarakapṛthvīgamanatvena, yato'tra kiṃ saptamanarakapṛthvīgamanābhāvo yatraiva janmani tāsāṃ muktigāmitvaṃ tatraivocyeta sāmānyena vā ?, tatra tadyādyo vikalpastadā puruṣāṇāmapi yatra janmani muktigāmitā na tatraiva saptamapṛthvīgamanamiti teṣāmapi muktyabhāvaprasaṅgaḥ, atha sāmānyena, atra cāyamāśayo-yathā "chaṭṭi ca itthiyāo maccā manuyā ya sattamīṃ puḍhavīṃ" ityāgamanavacanātpuruṣāṇāmeva saptamanarakapṛthvīgamanayogya karmopārjanasāmarthyaṃ na strīṇāmityadhogatau