Uttarajjhayana v29.p263

v29.p263

uttarādhyayana-mūlasūtram-2-36/1514 puruṣatulyasāmarthyābhādādūrdhvagatāvapni tāsāṃ tadabhāvo'numīyate tatastāsāṃ puruṣebhyo'-- pakṛṣmāṇateti, tadapyayuktaṃ, yato yeṣāmadhogatau tulyasāmarthyābhāvasteṣāmūrdhvagatāvapyanena bhāvyamiti na niyamo'sti, tathāhi
"samucchimabhuyagakhagacauppayasappitthijalacarehito|
sanarehito sattasu kamovavajjaṃti naraesu||" iti vacanādbhujagacatuṣpatsarpakhagajalacaranarāṇāmadogatāvatulyaṃ sāmarthyamūrdhvagatau tu
"sannitirikkhehito sahassāraṃtiesu devesu|
uppajjaṃti paresuvi savvesavi māṇusehito||" iti vacanādeṣāmāsaha srārāntopapātāttulyameva sāmarthyam, uktaṃ ca
"viṣamagatayo'pyadhastādupariṣṭāttulyamāsahasrāram |
gacchanti ca tiryañcastadadhogatyūnatā'hetuḥ ||" ato nāsaptamanarakapṛthvīgamanatvena viśiṣṭasāmarthyāsattvam, athavāvādilabdhirahitatvena, tadapyacāru, yato yadi vādādilabdhimattvena viśiṣṭasāmarthyaṃ vyāptamupalabdhaṃ bhavettatastanivṛttau tasya nivṛttiḥ syāt, na caivam, anayorvyāpyavyāpakabhāvasya kvaciniścayāt, alpaśrutatvaṃ tu muktyavāptyā'numitaviśiṣṭasāmarthairmāṣatuṣādibhiranaikāntikamityudghoṣyameva, yadapyanupasthāpyatāpārāñcitakaśūnyatvenetyucyate, tadapyayuktaṃ, yato na taniṣedhādviśiṣṭasāmarthyābhāvaḥ pratīyate, yogyatāpekṣo hi citraḥ śāstre viśuddhyapadeśaḥ, yaduktam- .. - "saṃvaranirjararūpo bahuprakārastapovidhiḥ śāstre |
rogacikitsāvidiriva kasyāpi kathañcidupakārī||" yacca puruṣānabhivandyatvaṃ heturuktaḥ tadapisāmānyena guṇādhikapuruṣāpekṣaṃ vā?, yadi sāmānyena tadā'siddhatādoṣaḥ, tīrthakarajananyādayo hi śakrādibhirapi praṇatāḥ kimaṅga śeṣapuruṣaiḥ ?, guṇādikapuruṣāpekṣaṃ cedgaṇadharā api tīrthakṛdbhirnābhivandyata iti teṣāmapyapakṛṣyamāṇatvam, atha tīrthaśabdasyādyagaṇadharābhidhāyitvāttīrthapraṇāmapūrvakatvāccārhaddeśanāyā asiddhameva tadanabhivandyatvaṃ gaṇadharāṇām, evaṃ tarhi cāturvarṇasaṅghasyāpi tadabhidheyatvāttadantarbhāvācca strīṇāmarhadbhirapi vandyatve kathaṃ puruṣānabhivandyatvena tāsāṃ tebhyo'pakṛṣyamāṇatvam ?, atha smāraṇādyakartṛtvena, evaṃ sati samāne'pi ratnatraye śiṣyācāryayorācāryasyaiva muktiḥ syānna śiṣyasya, smāraṇādyakartṛtvena tasya tato'pakṛṣyamāṇatvāt, na caitadāgamikaṃ, caṇḍarudrādyācāryaśiṣyāṇāmāgame niḥśreyasaśravaṇāt, athāmahaddhikatvena strīṇāṃ puruṣebhyo'pakṛṣyamāṇatvaṃ, tathā sati praṣṭavyo'si-kimādhyātmikīmṛddhimāśritya bāhyāṃvā?, tatra na tāvadādhyātmikīmuktanyāyato ratnatrayasya tāsāṃ samarthitatvāt, nāpi bāhyam, evaṃ hi mahatyā tīrthakarādilamyāścetarakṣa(re'kṣa)triyādayo na bhājanamiti teṣāmapyamahaddhikatvenāpakṛṣyamāṇatvānmuktikāraṇavaikalyaprasaṅgaḥ, yadapi māyādiprakarṣavattvenetyucyate, tadapyasat, tasyobhayorapitulyattvena darśanādāgame ca śravaṇāt, śrūyate hi caramaśarīriṇāmapi nāradādīnāṃ māyādiprakarṣavattvam,
ato na tāsāṃ puruṣebhyo'pakṛṣyamāṇatvena kāraṇāvaikalyasya hetorasiddhatā, yadapi nirvāṇa