Gita Govinda 22.8

22.8

civasanaśca tena | athavā kanakasya nikaṣaḥ nikaṣopalarekhā tatkāntivimala vastreṇa | sā gopikā parijanahasanena na śvasiti | niḥśvāsavatī na bhavati | pakṣe yā kāṣāyavasanādinā saṃgatā bhavati sā parijanairupahasitā dīrghāniḥśvāsānmuñcatyeva |
ceto yāsyatīti
sakhīṃ procya antarā punaḥ savyājaṃ kālavilambaṃ kṛtvā punaḥ smaraśarāsahā malayānilamupālabdhumāha—manobhaveti | he candanānila, jagadālhādaka prasīda | viparītalakṣaṇa kṣamāṃ kuru | kathaṃ vaiparītyam | yataḥ jagadālhādakasvarūpapracyutyā mama ripormanobhavasya ānandamakarot | ato manobhavānandana prasīda kṣamāṃ kuru | dakṣiṇo'hamiti kṛtvā hitāhitalakṣaṇavakratānabhijñatvānnopālabhyo'hamiti vadasīti cettarhi jitam | he dakṣiṇa, kṣaṇaṃ kṣaṇamātraṃ vāmatāṃ muñca | kṛtajagatprāṇasya me sarvasādhāraṇyena neyaṃ paddhatiriti cet | he jagatprāṇa, aṅgīkṛtajagatprāṇa tvaṃ mādhavaṃ purodhāya agre kṛtvā sāṃpratameva mama prāṇaharo bhaviṣyasi | tarhi sādhu ceṣṭitam | nāhamasyā maraṇanimittaṃ kiṃ tu mādhava itīdamevāvāmatāyā vilasitamiti | atra vaṃśasthaṃ vṛttam | atiśayoktiralaṅkāraḥ |
idānīṃ kāmopattā malayānilādīnadhikṣipati | bādhāmiti | he malayanila, bādhāṃ vidhehi pīḍāyāṃ kiṃ pratīkṣase | he pañcabāṇa, prāṇān gṛhāṇa | pañcabhirbāṇaiḥ pañcāpi prāṇāṃstvaṃ gṛhāṇa | bhavata idameva prayojanam | yasmātsmaro'pi taptaṃ janamupatāpya gṛhābhimukhīkriyate etadarthameva svabhāvaparityāgenāpyupakṛtirvidheyā | paraṃ tu ahaṃ bādhyamānāpi gṛhītaprāṇāpi punargṛhaṃ nāśrayiṣye śrīkṛṣṇameva śaraṇaṃ vrajiṣyāmīti tāvupālabhya punarudīrṇasmarātha yamunāmāha-he kṛtāntabhagini, yamasvasaḥ, malayānilapañcabāṇau śaityasaṃbhogakāraṇamapi pīḍayataḥ | nahi tarhi tvaṃ yamasya bhaginī tābhyāṃ prāṇeṣu gṛhīteṣu dhātuḥ kimuttaraṃ dāsyasīti | tena tava kṣamayā kṣāntyā kiṃ, bhrāturhitaṃ samācara matprāṇārpaṇena | netyāha | taraṅgairūrmibhirmama gātrāṇi siñca | teṣu sikteṣu mādhavaprāptyā dehadāhaḥ śāmyatu | taraṅgasenekāpi tadalābhe prāṇeṣu gateṣu dehadāhaḥ śāntimeṣyatītya-