Gita Govinda 22.9

22.9

iva mano dunoti || api ca amṛtadīdhitirhālāhalaliva mano dunoti | evamapyarthe tasminnapyadaye hṛdayaṃ punarbalādgalate tadabhimukhībhavati | kiṃ tarhi kriyate straiṇasthitiriyaṃ kuvalayadṛśāṃ nikāmaniraṅkuśaḥ kāmo vāma eva varttate | nikāmaniraṅkuśa atiśayocchṛṅkhalaḥ | atra hariṇī vṛttam | virodhāḷaṅkāraḥ |
idānīṃ sargānte vaiṣṇavānāśāste-prātariti | ayaṃ nandātmajaḥ jagadānandāyāstu | kiṃbhūtaḥ smeramukhaḥ smeraṃ sahāsaṃ mukhaṃ yasya sa tathā | kiṃ kṛtvā | rādhānane nayanayorañcalaṃ prāntamādhāya āropya | kiṃbhūtamañcalam | vrīḍācañcalaṃ lajjayā taraṃlam | etāvatā rādhānanaṃ kaṭākṣavīkṣitaṃ kṛtvetyarthaḥ | taduktam- 'yadgatāgataviśrānti vaicitryeṇa vivarttanam | tārakāyāḥ kalābhijñāstaṃ kaṭākṣaṃ pracakṣate' || kva sati | sakhīmaṇḍale prātaścakitaṃ yathā syāttathā svairaṃ svecchayā hasati sati | kiṃ kṛtvā | acyutaṃ nīlanicolaṃ nīlaparicchadaṃ vilokya | ca punaḥ rādhāyā uraḥ saṃvītapītāṃśukam | evaṃ vastravinimayaḥ sakhīnāṃ hāsye kāraṇam | iha hāsyo rasaḥ | śārdūlavikrīḍitaṃ vṛttam | svabhāvoktiralaṃkāraḥ || atra sarge śaṭho nāyakaḥ | abhisārikā nāyikā | tallakṣaṇaṃ- 'smarāttībhisaretkānte sārayedvābhisārikā' |