Pramāṇa · Search · About · API

Gita Govinda 24.1

Rasikapriyā 24.1

Language
Sanskrit

24.1

sadānandasandohakandaṃ mukundaṃ namaskṛtya padmāṅgavidyutpayodam | nṛpaḥ kumbhakarṇo vidhatte vicitraṃ varaṃ gītagovindadhātuṃ pavitram |
idānīmevaṃ tatparatvena vilapamānāyāstasyāḥ purata ārttatrāṇaparitrāṇakāraṇaṃ jagatkāraṇakāraṇamāvirabhūt | ataḥ kavirāha-atheti | māninīnāṃ hi priyāgrato māno'timānameti iti prasiddhamāha | atha mādhavāgamanānantaraṃ priyaṃ sābhyasūyaṃ sā rādhā vakṣyamāṇamāha | kiṃbhūtaṃ priyam | agre praṇatamapi | arthāccaraṇayoḥ | punaḥ kiṃbhūtam | anunayavacanaṃ sāmavākyaṃ vadantam | kva prabhāte | kiṃbhūtā sā | smaraśararjaritāpi | kiṃ kṛtvā | kathamapi mahatā kaṣṭena yāminīṃ vinīya | puṣpitāgrā vṛttam | khaṇḍitā nāyikā | hariharīti dhūrto nāyakaḥ | vipralambho rasaḥ | jātiralaṃkāraḥ |
tāmeva sapatnīviṣayerṣyā prakaṭayati | tatra pūrvaṃ sarvapadānusyūtatvāddhruvapadaṃ vyākriyate || hariharīti | hariharītyavyayānāmanantārthatvātkhedavācakamavyayam | athavā gānapūrtyai stobhamātram | khaṇḍitā rādhā agre praṇataṃ priyaṃ serṣyamāhahe mādhava, lakṣmīpate, yāhi gaccha | anyāsakto hi kathamanyāṃ pratārayasīti māśabdadyotyam | athavā svabhāvacañcalā tasyāḥ patyuścañcalatvaṃ yuktameva | tarhi cañcalastvaṃ tvadekaparāyaṇāṃ māṃ kathaṃ pratārayasīti yāhi | evamapyadhikṣepe'saṃtuṣṭā punarāha | he
api ca | kajjaleti | he kṛṣṇa, tava daśanavasanamadharastanoranurūpaṃ tanoti | kiṃbhūtam | aruṇam |

Linked texts (1)