Gitagovinda 24.6

24.6

kena siktam | atra madanadrumatvāropeṇa bahirgrahaṇena ca tasyāḥ sādhāraṇyānurāgau sūcitau | hastacaraṇābhyāṃ rataviśeṣo yathā—'yadi saṃhatamūrdhvagamūruyugaṃ yuvateḥ parirabhya naro ramate | tadabhramaśuraḥ sphuṭanaṃ ca bhavedurasi pramadācaraṇadvaiyataḥ' |
api ca | bhramatīti | he vadhūvadhe nirdaya, bhavānvaneṣu abalākavalāya yuvatigrasanāya bhramati | sarvāṇi vākyāni sāvadhāraṇānyeveti | yathā pārtho dhanurdhara itivat | atra madvadhe kiṃ vicitram| mamābalāyā vadhaḥ sukara eva | pūtanikā atiyuddhamadā kaṃsabhaginyeva tava bālacaritraṃ prathayati| bālena yadi tādṛśī prabalā kavalitā tarhyasyā abalāyāḥ kavalane kimāścaryam | atra strīvadho niṣiddha iti nindā| 'atha kathamapi' ityādau khaṇḍitā nāyikā| tallakṣaṇam—'jñātānyāsaṃgavikṛtau kānte kopakaṣāyitā | gatvānyatrāgate kānte bhogacihnaḥ kaṣāyitā' |