Gita Govinda 24.7

24.7

śritaṃ bhavantamadhikṛtyāsamaśaradūnaṃ malakṣaṇaṃ janaṃ kathaṃ vañcayase | tadvañcanādeva cittamapi malinamanumīyate | malinā evāśritavañcanāṃ kurvantīti |
api ca | śrījayadeveti | he vibudhāḥ, śrījayadevena bhaṇitamabhilāṣavañcitakhaṇḍitayuvativilāpaṃ śṛṇuta | kiṃbhūtam | sudhāmadhuram | punaḥ kiṃbhūtam | svarge'pi durāpam | saptamyarthe tasiḥ || khaṇḍitālakṣaṇaṃ yathā— ‘nidrākaṣāyamukulīkṛtatāmranetro nārīnakhavraṇaviśeṣavicitritāṅgaḥ | yasyāḥ kuto'pi patireti gṛhaṃ prabhāte sā khaṇḍiteti kathitā kavibhiḥ purāṇaiḥ ||' tathā ca saṃgītarāje—'tāle varṇayatirmegharāgo devādivarṇanam | vipralambhākhyaśṛṅgāro rasaḥ karuṇavedanam | kavināmāṅkitapadaprānte pāṭakarāvaliḥ | dvitrāṇyatha padāni syuriti lakṣmīpateḥ puraḥ |ratnāvalīprabandho'yaṃ nibaddhaḥ kumbhabhūbhujā' || iti lakṣmīpatiratnāvalīnāmā saptadaśaḥ prabandhaḥ || padaracanā jayadevoditā kamalāvalabhagānocitā kumbhanṛpeṇa paraṃ