Gita Govinda 21.7

Rasamañjarī 21.7

Language: Sanskrit

21.7

śrījayadeveti | anena jayadevabhaṇitamilanena śrījayadevena kavinā bhaṇitaṃ varṇitaṃ yanmilanaṃ kṛṣṇasya kāminyā sahetyarthaḥ | tvāṃ te(?)harirapi kṛṣṇo'pi hṛdayamarthādgātṝṇāṃ śrotṝṇāṃ praviśatu | yadvā śrījayadevabhaṇitasya yanmilanaṃ saṃbandho'dhyayanagānarūpastena harirapi hṛdayaṃ praviśatvi-
adhunā mamaivāparādho nānyasyetyāha—ripuriveti | yasminkṛṣṇe manogate cetasi kṛte sati sakhīsaṃvāsaḥ sakhībhiḥ sahāvasthānaṃ ripuriva śatruriva dunotyupatāpayati | sakhīrdṛṣṭvā tatkṛtālaṅkāraracanāparihāsavāsabhavanapariṣkārādismaraṇenādhikatara upatāpo bhavatīti bhāvaḥ | ayaṃ ca himānilo himagarbho'pyatiśītalo

Previous: 21.6
Next: 21.8
Up: 21

Linked texts (1)

Gītagovinda — Jayadeva, Sanskrit