Gita Govinda 21.9

Rasamañjarī 21.9

Language: Sanskrit

21.9

vāyuḥ śikhīvāgniriva dunoti | ayaṃ sudhāraśmiścandro viṣamiva dunoti | tasminneva kṛṣṇe'daye dayārahite hṛdayaṃ punarbhūyo'pi balāddhaṭhādgalate nivāryamāṇamapi tatraiva gacchatītyarthaḥ | ataḥ kuvalayadṛśāṃ kamalanetrāṇāṃ kāmo nikāmamapyarthe niraṅkuśastyaktamaryādo'ta eva me pratikūlaḥ | anyonyānurāgo hi kāmo manoho bhavati | atra tu sa mayi nīrāgaḥ kevalaṃ mamaiva cetastatra dhāvatīti vāmatā kāmasyeti bhāvaḥ | atra sakhīnāṃ saṃvāsasya ripuvat, himānilasya vahnivat, sudhāraśmerviṣavadapakāritvaṃ viruddhamiti viruddhālaṅkāraḥ | 'śikhinau barhiṇau' ityamaraḥ |
(atra 'sāndretyādi' ślokaṭīkā nopalabdhādarśapustake) |

Previous: 21.8
Next: 21.10
Up: 21

Linked texts (1)

Gītagovinda — Jayadeva, Sanskrit