Gita Govinda 8.10

Rasamañjarī 8.10

Language: Sanskrit

8.10

idānīṃ kāma eva me duḥkhaṃ prayacchatīti tamevopālambhanenāha—hṛdīti | he'naṅga kandarpa, mayi na prahara prahāraṃ mā kuru | kimbviti vitarke | mayi harabhrāntyā mahādevabhramātkrudhā krodhena tvaṃ dhāvasi iti kimu tarkayāmi | yadvā u iti saṃbodhane | he'naṅga, harabhrāntyā mayi kimiti dhāvasi | kīdṛśe mayi | priyārahite virahite | tathāca tadviśleṣādevāhaṃ saṃtaptastvaṃ mṛtakarūpasya mama māraṇaṃ kimiti karoṣīti bhāvaḥ | yadvā haraḥ sarvadā priyāyukto'haṃ tvadhunā priyāvirahita iti mayi harabhramo na yukta iti bhāvaḥ | hareṇa tvaccharīraṃ dagdhamataḥ kāmasya mahadvairasūcanāyānaṅgapadena saṃbodhane bhramabījaṃ nirasyati | ayaṃ bisalatāhāro mṛṇālalatāhārastadvirahajanyasaṃtāpaśāntyarthaṃ dhṛtaḥ natu bhujaṃgamanāyakaḥ

Previous: 8.9
Next: 8.11
Up: 8

Linked texts (1)

Gītagovinda — Jayadeva, Sanskrit