Krishnagiti 2.334

2.334

āharirāgeṇa gīyate
campatāḷena vādyate
nanu sakhe manujavapuraticirānmuktidamanityamapi duravāpyamanaghāpya mayi rato
jagati yo nikhilabhūteṣu madbhāvamudbhāvayati bhāgavatavara eṣa nigadito
pallavam
bahudhiṣaṇa nanu vibudhavaragaṇaśiromaṇe
avadātamahitanaya yadukulaśikhāmaṇe ( bahu )
mayimahitahārdamapi bhakteṣu sauhārdamapi satatamajñeṣu paramakaruṇārdratāṃ
yo vipakṣe punarupekṣāñca vitanute
bhāgavatamadhyamoyamiti hṛdi budhyatāṃ ( bahu )
apacitiṃ mama tu yo vitanute pratikṛtau
paramasau prākṛto bhāgavata īrito
nalinabhavamukhavibudhanamasitāt kṣaṇamapi
na calati vaiṣṇavavaro mama caraṇayugaḷato ( bahu )
praṇayaguṇanaddho'hamuddhava na yaddhṛdayamuñjhāmi viddhi taṃ bhāgavatasattamaṃ
akhilamapi māyeti yo nikhilabhūteṣu
samadṛgayi viddhi taṃ bhāgavatamuttamaṃ (bahu)
dhutapātakāni bhṛśapāvanāni mama nāmāni
gāyanayana bhuvanāni sa punāti
kvacana mama cintayā modate kvacana roditi hasati gāyati sa tanubhṛto vinamati (bahu)
manasaivai mama rūpamabhirūpamadhikasukharūpamāpīya sa tu mudito'navarataṃ
jātucana locane vinimīlya vipine
vidhāvanna skhalenna ca patetsuniyataṃ (bahu)
māyayā na vicalitamānasaṃ sarvadā
mayi racitalālasaṃ sukṛtacayasāgaraṃ
bhāgavatamanuyāmi pādarajasā sakhe
pāvayitumātmānamahamapi ca sādaraṃ (bahu)
manmatirveidituṃ tava mahitamāyāṃ hi
māyināmapi hṛdayamohinīmīhate
tvāmṛte (1) hitamiha ramāpate sarasamiti
bodhayitumīśa ke jagati punarīśate (bahu)
nirguṇe nirmale brahmaṇi jagadbhramo
mama tu māyeti bhavatoddhava vibudhyatāṃ
kaluṣito bata yayā karmāṇi kāmyāni
nirmāti labdhavānapi hṛdi viśuddhatāṃ (bahu)
nijavihitakarmaphalamanubhavanniha
bhavapayonidhau bhrāmyati sukhetaraṃ śubhamate
tanmanujatāṃ gato muktyai yateta khalu
viṣayasukhamiha sakhe sarvato jāyate (bahu)
anyathā nijaśubhāśubhakarmajanitāni
tāni tāni bata dehāntarāṇi vivaśaṃ
samavāpya śiva śiva bhavāpyayāvāpraḷayamāpnuya! ddhāpyāyitārtibharamaniśaṃ (bahu)
sthūlamatiradhijagati nātha kathama titarati
deva tava mahitataramāyāṃ vilobhanīmiha punararhāmi śikṣitātmābhiradhokṣaja
taritumapi māyināmapi vimohinīṃ (bahu)
māyāyā māmikāyāstaraṇasunipuṇopāyasāreṣu sāraṃ
tvāmaddhā bodhayāmyuddhava mahitamate gopyamapyādareṇa
bhakto bhṛtyo 'mātyassuhṛdapi ca vayasyo'pi śiṣyo'pi me tvaṃ
kiṃ kiṃ vā deśiko 'sau na punarupadiśedīdṛśe śiṣyaloke