Krishnagiti 2.335

2.335

kedāragauḍarāgeṇa gīyate | ekatālena vādyate
vidhānāyeha saukhyānāṃ vighātāyāpi duḥkhānāṃ
aho loke pravṛttānāṃ gṛhaiḥ krayaiḥ pramattānāṃ
sakhe ko vā vilokethāḥ viparyāso viṣaṇṇānāṃ
sadārāṇāṃ sadā nṛṇāṃ sarāgāṇāmaśeṣāṇāṃ
pallavam
mahāmāyā mamāmeyā sakhe dānavaiḥ
mahāmohāvahā sarvairavijñeyā tathā devaiḥ (mahā)
dhanaṃ dhānyaṃ gavāṃ jālaṃ kadambaṃ bāndhavānāṃ vā
gṛhaṃ dehaṃ vadhūvṛndaṃ nṛṇāṃ modaṃ kiyantaṃ vā
nitāntaṃ cañcalaṃ kuryāt kṛtāntāsyaṃ prapannānāṃ
yathā loke vadhārhāṇāṃ vadhasthānaṃ prapannānāṃ (mahā)
trilokīcārurūpāṃ vā vivekī dārurūpāṃ vā
pramādājjātucinnāṃrīṃ na pādenāpi spṛśedyo vā
sukhe svalpe durāveśāna parāmṛśyāśnute bandhaṃ
kareṇūnāṃ karī sparśe durāveśādyathā bandhaṃ (mahā)
niśāmyaināṃ mahāmāyāṃ mamāmeyāṃ vimūḍhātmā
tadīyānāṃ vilāsānāṃ tadaivāyaṃ vidheyātmā
mayā hantopabhogyeti pralobhādvañcito dehī
pateccādho gatādhāraḥ pataṅgo'gnau yathā mohī (mahā)
ato nārīpiśācīṃ no surūpāṃ rūpayedenāṃ
vyalokīyaṃ durāśā cedvimohinyeva lokānāṃ
na vidyābhirvijetavyā vivekenāpi yogairvā
dhanaughairvā tapobhirvā takṣānyairapyupāyairvā (mahā)
dṛśā kāmāndhayāvaśyaṃ vimūḍhātmā durāśāyāṃ
sukhabhrāntyādhisarvasve saṃjatyasyāṃ maheḷāyāṃ
vasāmāṃsāsṛgādīnāṃ samāhāre naro loke
vadhūpiṇḍe'pyaho mohī rnakhairdantairdurāloke (mahā)
mukhaṃ pūrṇendusaṃkāśaṃ stanau pīnau ghanau yūnāṃ
nitambo vānubhogyo'yaṃ sakhe saṃpūrṇabhāgyānāṃ
naro raṃramyate caivaṃ śakṛnmūtrādhikaklinne
subībhatse śvavanmāṃse sudurgandhatvamāpanne (mahā)
ūlaṃ nindyaṃ yadavāṅgaṃ ratistatraiva martyānāṃ
sakhe paśyeha māyāyāḥ prabhāvaṃ tvaṃ vimūḍhānāṃ
maheḷānāmaho saṅgāttathā tatsaṅgināṃ saṅgādyathā bandho yathā pīḍā tathā naivānyataḥ saṅgāt (mahā)
sakhe saṅgaṃ vitanyānno nṛṇāṃ śiśnodarehāṇāṃ
satāṃ saṅgo nidherlābho vidheyaḥ kāmadhenūnāṃ
khagaḥ rātriścarā daityā mṛgā vṛtrādayo vānye
suduṣprāpātsatāṃ saṅgādramante matpade dhanye (mahā)
vadhūsaṅgaṃ vidhūyālaṃ sakhe tatsaṅgisaṅgaṃ vā
smṛtirme kīrtanaṃ nāmnāṃ madarthe sarvaceṣṭāṃ vā
sadā bhūteṣu madbhāvaṃ madātmatvena vā dhyāyan
caranmatkānimān dharmāṃstarenmāyāmimāṃ nūnaṃ (mahā)
ye kecinna jitendriyā nanu janāḥ kāmābhibhūtāśayā
lokeśanna bhajanti hanta hṛdaye bhāntaṃ bhavantaṃ vibho
ye teṣāṃ bata kāmyakarmaniratānāṃ kā samāptirnṛṇāmetadbodhavidhau matirmama tu vaikuṇṭheyamutkaṇṭhate