Krishnagiti 2.337

2.337

gāṃbodhirāgeṇa gīyate
pañcakāritāḷena vādyate
iha vivekavirahitasya hṛdi yadodayedvinayādanātmani dṛḍhamātmadhīśye
laghu tadā mano bhajati rajo'tidāruṇaṃ
priyasakhāpi mahitasattvaguṇavibhūṣaṇaṃ
pallavam
devamurumudānayātikuśalaśubhamate
pādavinatabhaktalokavṛṣabha yadupate ( deva )
viṣamatararajo'bhibhūtamanasi mānave
viṣayavividiṣāpi taddvagamanamapi bhavet
viṣayacintayātha kāmamahṛgajo bhṛśaṃ
bata vijṛmbhate viśṛṅkhalaṃ niraṅkuśaṃ [ deva ]
vividhamapi ca kāmyakarma kāmavaśagato
vivaśahṛdayamaniśamapi ca vitanute tato
vyasanadamidamiti vidannapi rajasāndhito
visṛjati na tu viṣayasukhadurāśayānvito [ deva ]
dhyāyato hi viṣayanivahameva mānasaṃ
jāyate'dhiviṣayavisarasamuditalālasaṃ
dhyāyato'mumaniśamādareṇa māmaye
līyate'lamiha mayi khalu paramasukhamaye [ deva ]
jananamaraṇajaladhimakhilasukṛtapariṇate
taritumuditarasabhareṇa naravareṇa te
smaraṇamaraṇapadajuṣā kathannu tanyate
vadatu nanu tadayi bhavānyadīśa manyate ( deva )
sāvadhānamayi sakhe śṛṇuṣva(1) nirmalaṃ
dhyānasārametadakhilabhuvanamaṅgalaṃ
ādareṇa naravaro yatācaraṇarato
māmakīnapadamupaiti mahitamacirataḥ ( deva )
āsane same'ṅkanihitabāhurāsthito
nāsikāgranihitadṛgatha vijitamārutaḥ
ūrdhvanāḷamaṣṭadaḷahṛdambujaṃ sukhaṃ
cintayedamūrdhvavadanamityadhomukhaṃ ( deva )
bhānusomadahanamaṇḍalāni mayi rato
bhāvayeduparyupari ca karṇikāprato
māṃ prasannatarmukhāravindakandaḷaṃ
mandahāsamanalamaṇḍale smarāmalaṃ ( deva )
pādakaṭakabhāsuratarapādayugaḷakaṃ
pītavasanavītajaghanaśobhiraśanakaṃ
vatsalasitavanyadāmahāravarakulaṃ
nistuṣābhakaustubhātiśobhigaḷatalaṃ ( deva )
daragadārikamalakalitaśobhakaratalaṃ
makarakuṇḍalābhirāmagaṇḍamaṇḍalaṃ
adharakāntimilitalalitadantasamudayaṃ
bhuvanakāntalocanāntavāntapurudayaṃ ( deva )
bālasomasamitaphālaśobhitilakakaṃ
jātarūpamayakirīṭajātasuṣamakaṃ
nīlanīradopaśobhinikhilatanutataṃ
tejasāpahasitamihirāhimakarāyutaṃ ( deva )
sāvadhānamiti vicintya sakalamaṅgakaṃ
dhyeyametadekamekamapi mamāṅgakaṃ
tava labdhapadamidaṃ vikṛṣya hṛdayamaye
mandahāsasakhamukhābja eva sajjayeḥ ( deva )
indaḷarāgeṇa gīyate | pañcakāritāḷena vādyate
samavadhāritaṃ kiṃ tvayā sakhe
sakalavedyasāraṃ mayoditaṃ
jagati vidyate nāmuto'dhikaṃ
kimapi veditavyaṃ vivekināṃ
kimu manonilaṃ tavādhunā
gahanamoharūpaṃ tamo gataṃ
vimalabodharūpo vibhākaro (1)
manasi codito hanta kiṃ tava
na ca tathā priyo me pitāmaho
na ca ramāpi no rāma eva vā
na ca maheśvaro no sureśvaro
na ca sakhe mamātmā yathā bhavān
sakalatāpabhārāpahārakaistava vidho (2) vibho gonikāyakaiḥ
mayi tu saṃsthitaṃ mohasaṃjñitaṃ
gamitamīśa nāśaṃ tamo'khilaṃ
viditavānidaṃ tvanmukhoditaṃ
laṣati (3) veditavyāntaraṃ kimu
amṛtamāpiban kiṃ naro'paraṃ
murahareha pātavyamīhate
na tu śaṭhāya vā dāmbhikāya vā
na tu khalāya vā nāstikāya vā
mayi ca bhaktihīnāya vā tvayā
na khalu he sakhe dīyatāmidaṃ
puruviraktaye bhūribhaktaye
laṣitamuktaye pūtasaktaye
sukṛtasaṅgane cāmalātmane
sumahilātmane dīyatāmidaṃ
adhivasan bhavānviśvapāpahaṃ
badarikāśramaṃ niśśalākakaṃ
anucarannidaṃ manmukhoditaṃ
mama paraṃ padaṃ lapsyate sakhe
ityukto bhavatoddhavo'tha visarannetrāmburuddhākṣaro
vaktuṃ kiñcidaśaknuvanmuhurapi tvatpādapadme patan
tvadrūpaṃ hṛdaye nidhāya gatavān premākulo lokayan
vyāvṛtyaiṣa pade pade tava vapustrailokyasaṃmohanam