Arjuna and the Hunter 7.40

Ghaṇṭāpatha 7.40

Language: Sanskrit

7.40

vipatreti || vigatāḥ patralekhāstilakaviśeṣā yāsāṃ tā vipatralekhāḥ | niraktakāḥ kṣālitarāgā adharā yāsāṃ tāḥ | nirañjanānyakṣīṇi yāsāṃ tā nirañjanākṣīrapi | bahuvrīhau sakthyakṣṇoḥ svāṅgātṣac' | 'ṣidgaurādibhyaśca' iti ṅīṣ | tathāpi śriyaṃ bibhratī śobhākāraṇābhāve'pi śobhamānā iti vibhāvanālaṃkāraḥ | rāmā nirīkṣya nabhaścarairgandharvaistāsāṃ vapureva maṇḍanamalaṃkṛtam | na tu maṇḍanena tadvapurityakṣarārthaḥ | iti bubudhe jñātam | karmaṇi liṅ | svabhāvakamaṇīyānāṃ kimalaṃkaraṇairiti bhāvaḥ ||

Previous: 7.38
Next: 7.41
Up: 7

Linked texts (1)

Kirātārjunīya — Bhāravi, Sanskrit