Kundamala 3.10
Kundamālā 3.10
- Language
- Sanskrit
3.10
la-samyagupalakṣitamāryeṇa | ahamapyagrato gatvā nirūpayāmi
(parikrāmaṃstarustambhamabhinīya) kathametasmin padoddhāre sasādhvasamiva me hṛdayam; stambhitāvūrū, utkṣipyamāṇau caraṇau
nāgrato bhūmiṃ gantumutsahete | tat kimidam | (vicintya )
suvyaktaṃ gurujanasamākrāntena pradeśena bhavitavyam | atha padānīva lakṣyante | ( bhūmiṃ nirvarṇayati )
rā-kiṅkṛto'yaṃ vatsasya bhūminirūpaṇāyāmādaraḥ ?
la-etāni nitāntamanoharatayā saṅkrāntacaraṇatalasaukumāryāṇi
lalitanibhṛtavinyāsareadtayā vijñāyamānastrīpadabhāvāni pulinatalasanniveśapadāni dṛśyante | paśyatvāryaḥvilāsayogena pariśrameṇa vā
svabhāvato vā nibhṛtāni mantharam
padāni kasyāścidimāni saikate
prayānti tulyaṃ kalahaṃsavibhramaiḥ