Pramāṇa · Search · About · API

Abhijnanasakuntalam 3.5

Mitabhāṣiṇī 3.5

Language
Sanskrit

3.5

sūryyeti| (hetvantaraṃ yāha 'sūryyam avalokya' dṛṣṭvā) 'śakuntalā prāyeṇa' bāhulyena na tu niyatameva 'latānāṃ valayāni veṣṭanāni latāveṣṭitasthānāni santi yeṣu teṣu 'mālinītīreṣu' mālinīnadyāstaṭeṣu 'sakhījanena' priyaṃvadayā anasūyayā ca 'saha imām ugraḥ' kaṭhoraḥ 'ātapo' raviḥ, ravikara ityarthaḥ yasyāṃ tādṛśikāṃ 'velāṃ' kālam 'gamayati' ativāhayati|
anayeti| 'sutanuḥ' anavadyāṅgī śakuntalā 'anayā bālapādapānāṃ vīthyā śreṇyā vīthiśobhitena vartmanā ityarthaḥ 'aciram' adhunā eva 'gatā iti tarkayāmi' manye| 'kutaḥ' eva bravīmi iti cet—
sammīlantīti| anvayaḥ—tayā avacitapuṣpā vandhanakośāḥ na tāvat sammīlanti| amī kisalayacchedāśca kṣīrasnigdhā dṛśyante| vyākhyā—'tayā' śakuntalayā 'avacitāni' lūnāni gṛhītāni 'puṣpāṇi' yebhyo yebhyo vā tādṛgvidhā 'bandhanakośāḥ' vṛntakośā 'na tāvat sammīlanti' saṅkocitā bhavantīva| 'amī' dṛśyamānāḥ| chidyante eṣu iti cchedāḥ cchedāvakāśā [adhikaraṇe ghañ]| 'kisalayānāṃ cchedāḥ' chinnāḥ kisalayā vā, te ‘ca kṣīreṇa’ cchedanamāgāt sruteṣa draveṇa ‘snigdhā’ bhrādrā ‘dṛśyante’ lakṣyante | [rāghavī vidyāsāgarapāṭhāt “parimlāyadalaukā” ityata “kisalayacchedau” iti yāvat na paṭhanti] ||

Linked texts (1)