The Recognition of Śakuntalā 10.5.168

10.5.168

atha ca samayapūrvaṃ kālaniyamapūrvaṃ tricaturadinamadhye pañcadinamadhye vā puruṣaḥ preṣyata iti prakāreṇa | ata eva vakṣyati--“ekaikamatra divase divase madīyaṃ nāmākṣaraṃ gaṇaya gacchasi yāvadantam | tāvatpriye madavarodhagṛhe praveśaṃ netā janastava samīpamupeṣyatīti” iti | atha ca samayapūrvaṃ jñānapūrvaṃ pratārya | “samayāḥ śapathācārakālasiddhāntasaṃvidaḥ” ityamaraḥ | īdṛśairatikkrūrairhṛdayavidārakaikṣaraiḥ pratyākhyātuṃ na yuktamiti saṃbandhaḥ | idaṃ pratyākhyānaṃ vāṅmātreṇa na tatvato'gre parigrahasya vakṣyamāṇatvāditi rateranusaṃdhāyakakaverakṣarairityuktiḥ | vyapadeśāmiti | vyapadiśyate'neneti vyapadeśaḥ | kulamāvilayituṃ malinīkartuṃ-mimaṃ janaṃ mallakṣaṇaṃ pātayituṃ ca patitaṃ kartuṃ kimīhase ceṣṭase | tvaṃ tvihāgamanenaiva patitāsīti ṇicā dhvanyate | kūlaṃkaṣā taṭasaṃgharṣiṇī sindhurnadī prasannamambho yathā kaluṣayati taṭataruṃ ca pātayati tadvadityūpamā | atra bhinne api guṇakriye atiśayoktyābhedenādhyavasite | atropameye prakṛtamantarvartiviśeṣaṇamastvevetyupamāne kūlaṃkaṣeti viśeṣaṇam | pūrvārdhe guṇakriyayoḥ samuccyaḥ | "doṣaprasaṃkhyāpanādyādapavādastu sa smṛtaḥ " iti | bhavatu pūryatām | anena doṣaprakhyāpanenetyarthaḥ | yadi paramārthataḥ paraparigrahaśaṅkinā tvayaivaṃ vaktuṃ pravṛttaṃ tā tarhyabhijñānena mudrikārūpacihnena tavāśaṅkāmapaneṣyāmi | udāraḥ kalpo mukhyo nyāyaḥ | “kalpaḥ syātpratyaye nyāye ” iti viśvaḥ | mahānviśvāso vā | hā dhik | aṅgulīyakaśūnyā me'ṅguliḥ |