The Recognition of Śakuntalā 10.5.169

10.5.169

nūnaṃ te śakrāvatārābhyantare śacītīrthasulilaṃ vandamānāyāḥ prabhraṣṭamaṅgulīyakam | pratyutpannamati straiṇaṃ strīsamūha iti yajjagati prasiddhaṃ tadidaṃ paridṛśyamānam | “tātkālikī tu pratibhā pratyutpannamatiḥ smṛtā ” iti pratyutpannalakṣaṇaṃ sudhākare | atra tāvadvidhinā darśitaṃ prabhutvam | aparaṃ te kathayiṣyāmi | śrotavyamidānīṃ saṃvṛttamniti | bhavatībhiḥ kalpanāsahasraṃ vidhāyālīkavacanopanyāsaḥ kartavyaḥ | sa cenmayā na śrotavyo mamāśravaṇāparādha eva syāditi prayojanābhāve'pi śravaṇamātre vidhiriti saṃvṛttapadadyotyam | nanvekasmindivase navamālikāmaṇḍape nalinīpatrabhājanagatamudakaṃ tava haste saṃnihitamāsīt | tatkṣaṇe sa me putrakṛtako dīrghāpāṅgo nāma mṛgapotaka upasthitaḥ | tvayāyaṃ tāvatprathamaṃ pibatvityanukampinopacchandito'bhyarthita udakena | na punaste'paricayāddhastābhyāsamupagataḥ | paścāttasminneva mayā gṛhīte salile tena kṛtaḥ praṇayaḥ prītiḥ | tadā tvamitthaṃ prahasito'si sarvaḥ sagandheṣu svayūthyeṣu viśvasiti | dvāvapyatrāraṇyakāviti | ātmakāryasya nirvartinīnāṃ saṃpādikānaṃ lalanānām | viśeṣaṇādeva viśeṣyapratipatteḥ | atrāmṛtamayavāṅmadhubhirityekadeśavivarti rūpakam | tena tāsāṃ latātvaṃ viṣayiṇāṃ kāmukānāṃ bhramaratvaṃ rūpyata iti jñeyam | mahābhāga nārhasyevaṃ mantrayituṃ vaktum | tapovanasaṃvardhito'nabhijño'yaṃ janaḥ kaitavasya | strīṇāmiti | strīṇāṃ madhye'mānuṣīṣu mānuṣavyatiriktāsu vañcakavāgādivyavahārarahitāsvapīti bhāvaḥ | tāsvapyaśikṣitapaṭutvamanupadiṣṭakauśalam | arthādbabhūne samyagdṛśyate | tenaitityabhrāntijñānanirāsaḥ |