The Recognition of Śakuntalā 10.5.211

10.5.211

antariti | antargatā hṛdgatā prārthanā mandāramālāviṣayiṇī yācñā yasya saḥ taṃ na dūrasthamapi tvantikasthaṃ samīpastham | ‘‘upakaṇṭhāntikābhyarṇābhyagrā’’ ityamaraḥ | jayantaṃ putramadhikaṃ vīkṣya dṛṣṭvā kṛtasmiteneti tasya manogatāṃ yācñāṃ jñātveti sūkṣmaṃ jayantādapyātmano'dhikasnehapātratā dhvanyate | hariṇendreṇāmṛṣṭaṃ spṛṣṭaṃ yadvakṣoharicandanaṃ hṛdayānulepaḥ so'ṅkaścinhamasyāḥ sā |(atrāṅkapadopādānena mālāyāstatkāladhāraṇaṃ tasyāstatkālakṛtaṃ candanānulepatvaṃ ca vyajyate | tena tatkaṇṭhayogyatvāmlānatva storetyantasurabhitvamanoharatvādikaṃ dhvanyate |) mandārapuṣpāṇāṃ mālā mama pinaddhāmuktā svayaṃ paridhāpitā na tu dattā | gauravasyādhikyādudāttam | ntanteti ndandeti chekavṛttyanuprāsau | dvitīyopajātirindravajropendravajrayoḥ | mātaliḥ atyalpamidamucyate | bhavānamareśvarāditi manorathātītavastudāne'pi sāmarthyaṃ dhvanitam | kimiva nārhati yadatipriyamatiramyamatyutkṛṣṭaṃ jīvitāyamānamapi tadapyarhatyanyadarhatīti kiṃ vaktavyamiti bhāvaḥ | sukheti | sukhaparasya sukhe paraḥ sukhaparastasya | yadvā sukhameva paraṃ yasyātisukhina iti vidheyam | harerindrasyobhayaistridivaṃ svargeḥ | dānavāḥ kaṇṭakā iva dānavakaṇṭakāḥ | uddhṛtā dānavakaṇṭakā yatra tatkṛtam | atroddhṛtapadena teṣāṃ samūlanāśādatyantābhāvo dhvanyate | duḥkhapradatvaṃ sādharmyaṃ gamyam | anayā vānayoḥ purasteṣāṃ jaḍataratvaṃ dhvanyate | uddhṛtadānavakaṇṭakatvātsukhaparatvasya vidheyatve vaktavye yattasyārthe vidheyatvamuktaṃ tadasya prādhānyaṃ dyotayitum | kāvyaliṅgaṃ vyaṅgyam |