The Recognition of Śakuntalā 10.5.232

10.5.232

latā katrīṃ ṛtoḥ samavāyaḥ saṃbandhastasya cinhaṃ kusumaṃ pratipadyatām | atra tvayāṅgulīyakaṃ dhāraṇīyamiti prastute yallatākusumavṛttānto'nyaḥ prastuta uktaḥ sādṛśyena sāprastutapraśaṃsā | nāsya viśvasimi | āryaputra evaitaddhārayatu | ‘‘ rājā—priye smṛtibhinna– ’’ ityādināaitadantena paribhāṣaṇaṃ nāmāṅgamanupakṣiptam | tallakṣaṇaṃ tu—‘‘ mithaḥ saṃjalpanaṃ yatsyāttadāhuḥ paribhāṣaṇam ’’ iti | ‘‘ tataḥ praviśati mātaliḥ ’’ ityādinā prathanaṃ nāmāṅgamanupakṣiptam | tallakṣaṇaṃ tu—‘‘ upakṣepastu kāryāṇāṃ prathanaṃ parikīrtitam ’’ iti | ‘‘rājā—abhūtasaṃpāditasvāduphalo me manorathaḥ ’’ ityanena praharṣanāmā nāṭyālaṃkāra upakṣiptaḥ | tallakṣaṇaṃ tu—‘‘ praharṣaḥ pramadādvākyam ’’ iti | lajjāmyāryaputreṇa saha gurusamīpaṃ gantum | abhyudayakāleṣu maṅgalotsavādisamayeṣvidamācaritavyameva | dākṣāyaṇi dakṣaputri | putrasyeti | ayaṃ duṣyanta ityabhihitaḥ | iti nāmaparāmarśācchabdaparo nirdeśaḥ | tena duṣyantanāmadheyaka ityarthaḥ | bhuvanasya bharttā bhūmaṇḍalasya pālakaḥ | te tava putrasyendrasya raṇaśirasyagrayāyyagresaraḥ | idameva vidheyam | yasya cāpena dhanuṣā vinivartitakarma samāpitakāryaṃ koṭimadityakuṇṭhakoṭimadityarthaḥ | tena yuddhakṣamatvaṃ dhvanyate | etādṛgapi maghonaḥ kuliśaṃ vajramābharaṇaṃ jātam | vīryalakṣaṇasya vastuno'tiśayitatvena varṇanādudāttaṃ rūpakaṃ ca | syasyeti yayayāyīti chekavṛttyanuprāsau ca | vasantatilakaṃ vṛttam | saṃbhāvanīyānubhāvāsyākṛtiḥ | saṃbhāvanīyo'nubhāvaḥ prabhāvo yasyāḥ sā | putraprītipiśunena putrasnehasūcakena |