Mitabhashini 7.34

7.34

mārīcaḥ—tapaḥprabhāvāt pratyakṣaṃ sarvameva tatrabhavataḥ
rājā—ataḥ khalu mamānatikruddho muniḥ
mārīcaḥ—tathāpyasau priyamasmābhiḥpraṣṭavyaḥ | kaḥ ko'tra
bhoḥ
( praviśya ) śiṣyaḥ—bhagavannayamasmi
mārīcaḥ—gālava, idānīmeva vihāyasā gatvā mama vacanāt
tatrabhavate kaṇavāya priyamāvedaya, yathā putravatī śakuntalā
tacchāpanivṛttau smṛtimatā duṣyantena pratigṛhīteti
śiṣyaḥ—yadājñāpayati bhagavān ( niṣkrāntaḥ )
mārīcaḥ—vatsa, tvamapi sāpatyadāraḥ sakhyurākhaṇḍalasya
rathamāruhya rājadhānīṃ pratiṣṭhasva
rājā--yadājñāpayati bhagavān
mārīca —api ca,
tava bhavatu biḍaujā prājyavṛṣṭiḥ prajāsu,
tvamapi vitatayajñaḥ svargiṇaḥ prīṇayasva
yugaśataparivarttānaivamanyonyakṛtyairnayatamubhayalokānugrahaślāghanīyaiḥ