AYURVEDIYAPARIBHAShA 9.4-2.p1.3

9.4-2.p1.3

vimale bhājane nyasya salilantu caturguṇam
prakṣipya mardayet samyag yāmamātraṃ bhiṣagvaraḥ
triguṇīkṛtavastreṇa srāvayet salilaṃ tataḥ
srāvitaṃ salilañcātha vahnau santāpayet tataḥ
niḥśeṣaṃ salilaṃ jñātvā nirmalaṃ kṣāramāharet
ṣaḍaṅgayūṣaḥ—
dravyato dviguṇaṃ māṃsaṃ sarvato dviguṇaṃ payaḥ
pādasthaṃ saṃskṛtaṃ hyeṣa ṣaḍaṅgo yūṣa ucyate
ṣaḍayūṣa tathā pramathyā ( kāmbalika ):—
takraṃ kapitthaṃ cāṅgerī maricājājicitrakaiḥ
supakvaṃ ṣaḍayūṣo'ya—mayaṃ kāmbaliko'paraḥ
dadhyamlalavaṇasneha—tilamāṣasamanvitaḥ
saṃjñā pramathyā vihitā yoge dīpana-pācane
vesavāraḥ—nirasthi piśitaṃ piṣṭaṃ svinnaṃ guḍasamanvitam
kṛṣṇārmaricasaṃyuktaṃ vesavāra iti smṛtaḥ
'māsaṃ nirasthi susvinnaṃ punarddaṣadi peṣitam
pippalī-khaṇḍa-marica-guḍa-sarpiḥ-samanvitam
aikyaṃ vipacet samyag 'vesavāra' iti smṛtaḥ
'yadapakkauṣadhāmbubhyāṃ siddhaṃ madyaṃ sa āsavaḥ'
jñeyaḥ śītarasaḥ sīdhu-rapakamadhuradravaiḥ
siddhapakarasaḥ sīdhuḥ saṃpakkamadhuradravaiḥ
paripakkānnasandhāna-samutpannāṃ surāṃ jaguḥ
surāmaṇḍaḥ prasannā syāt tataḥ kādambarī ghanā
yattalakharjūrarasaiḥ sandhitaṃ sā hi vāruṇī || ādi
yanmasttvādi-śucau bhāṇḍe saguḍakṣaudrakāñjikam
dhānyarāśau trirātrasthaṃ śuktaṃ cukraṃ taducyate
kāṃjīḥ-kulamāṣadhānyamaṇḍena saṃhitaṃ kāñjikaṃ bhavet
kṛśarāḥ-tilataṇḍulamāṣaiśca kṛśarā triśareti sā
arddhāvaśiṣṭe kathanād dugdhe'ṣṭāṃśām̐śca taṇḍulān
pacennātidravaghanaṃ paramānnamidaṃ smṛtam
uṣṇodakaḥ-kvāthyamānantu yattoyaṃ niṣphenaṃ nirmalīkṛtam
bhavatyarddhāvaśiṣṭantu taduṣṇodakamucyate