The Compendium of Suśruta 1.24

Bhānumatī 1.24

Language: Sanskrit

1.24

manaḥ śarīrādhiṣṭhānā iti mano'dhiṣṭhānāḥ kāmādayaḥ, śarīrādhiṣṭhānā arbudādayaḥ, manaḥśarīrādhiṣṭhānā apasmārādayaḥ | tatra mānasaḥ prathamaṃ manaḥ pīḍayati, paścāccharīram; evaṃ śārīro'pi prathamaṃ śarīre bhūtaḥ paścānmanaḥ pīḍayati | yaduktaṃ carake jvaramadhikṛtya, "śārīro jāyate pūrvaṃ dehe, manasi mānasaḥ" ( ca. ci. a. 3) iti | puruṣalakṣaṇenātmanaḥ śarīreṣu gṛhīteṣvātmā nirvikāratayā vyādhyadhiṣṭhānaṃ noktaḥ | yaduktaṃ carake"nirvikāraḥ parastvātmā sattvabhūtaguṇendriyaiḥ | caitanye kāraṇaṃ, nityo dṛṣṭā paśyati hi kriyāḥ" (ca. sū. a. 1) iti |

Previous: 1.21.7
Next: 1.25
Up: 1

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit