The Compendium of Suśruta 6.8

Bhānumatī 6.8

Language: Sanskrit

6.8

uktamarthaṃ vāyuvyāpārādhikakathanayuktamupasaṃharannāha—soma ityādi | kledayatīti varṣaśiśirābhyām | ubhāvapi saṃśrityetyanena vāyoryogavāhitayobhayārthakartṛtayā prajāpālanaṃ darśayati | etena kledanaṃ kevalaṃ tathā śoṣaṇaṃ vā na prajāpālanaṃ kiṃ tu militaṃ, tacca vāyunā kriyate, tābhyāṃ vā militābhyāṃ kriyata iti labhyate | yaduktaṃ carake—“tāvetāvarkavāyū somaśca kālamārgasvabhāvaparigṛhītāḥ kālarturasadoṣabalanirvṛttipralayabhūtāḥ samupadiśyante” ( ca. sū. a. 6 ) iti |

Previous: 6.7
Next: 6.9
Up: 6

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit