Nitimanjari 2.10

2.10

santaḥ satpuruṣāḥ tad bhakṣyaṃ prāpya sukhādiṣṭaṃ sukhabhākṣikānnādikaṃ prāpya vibhajya bhāgaṃ kṛtvā tu devavad bhuñjate | bhujo'navane ( pā0 1.3. 66 ) ityātmanepadam | yathā ṛbhavo devāstvaṣṭrā niṣpāditam ekaṃ camasaṃ caturaścamasān caturdhā kṛtvā caturthāṃśamagnaye datvā śeṣaṃ samaṃ trayo bhrātaraḥ papuḥ | tatra ṛk [ ṛ0 1.20.6 ] u̱ta tyañca̍ma̱saṃ nava̱ṃ tvaṣṭu̍rde̱vasya̍ niṣkṛ̍tam | aka̍rta ca̱tura̱ḥ puna̍ḥ || u̱ta | tyam | ca̱ma̱sam | nava̍m | tvaṣṭu̍ḥ | de̱vasya̍ | niḥkṛ̍tam | aka̍rta | ca̱tura̍ḥ | puna̱riti̍ṃ |
83 || śikṣayāmāsa tāṃstvaṣṭā tvāṣṭraṃ yatkarma kiñcana | pariniṣṭhitakarmāṇo viśve devā upāhvayan |
84 || viśveṣāṃ te tataścakru rvāhanānyāyudhāni tu | dhenuṃ sabardughāṃ cakruramṛtaṃ sabarucyate |
85 || bṛhaspaterathāśvibhyāṃ rathaṃ divyaṃ tribandhuram | indrāya ca harī devaprahitenāgnināpi yat |
86 || ekaṃ camasa ( ṛ01.161.2 ) mityukte jyeṣṭha āhe ( ṛ.4. 33.5 ) tyatho divi | uktvā tataścuścamasān yathoktaṃ tena harṣitāḥ |
87 || tvaṣṭā ca savitā caiva devadevaḥ prajāpatiḥ |
imaṃ ṣaṣṭhamanuvākaṃ yūpe baddhaḥ śunaḥ śepo bandhamokṣārthaṃ dadarśa | tasya 'kasyeti' prathamaṃ sūktaṃ vāruṇaṃ traiṣṭubhaṃ pañcadaśarcam | ādau kāṭyāgneyyau |