Nitimanjari 2.17
Nītimañjarīṭīkā 2.17
- Language
- Sanskrit
2.17
prabhorapi arthitvaṃ dhik| kutaḥ| yadarthitvaṃ rūpahāniṃ karoti| indradṛṣṭāntena dṛḍhayati| yathā indrasyāpi arthitvaṃ rūpahānikaraṃ babhūveti| tathā indrasadṛśasyāpi puṃsaḥ arthitvaṃ rūpahānikaraṃ bhavatīti| indrarūpahānikaratvaṃ darśayati| yadā indro medhātithiṃ somamayācat yayāce| tato'nantaraṃ aiśvaryarūpaṃ tyaktvā meṣo bhūtvā medhātithisambandhisomaṃ papau| tataḥ indro meṣo'bhavaditi| tadartheyamṛk-(ṛ0 1. 51. 1.)
a̱bhi| tyam| meṣam| pu̱ru̱'hū̱tam| ṛ̱gmiya̍m| indra̍m| gī̱ḥ'bhiḥ| mada̱ta̱| vasva̍ḥ| a̱rṇa̱vam| yasya̍| dyāva̍ḥ| na| vi̱'cara̍nti| mānu̍ṣā| bhu̱je| maṃhi̍ṣṭham| a̱bhi| vipra̍m| a̱rca̱ta̱ |
ṛco'yamarthaḥ | tyaṃ taṃ prasiddhaṃ indram | tyacchabdaśchandasi tadarthaḥ| uddahanti tamitivat | he ṛtvijaḥ | gīrbhiḥ stutibhiḥ madatta harṣa prāpayata | madī harṣe | kīdṛśam | meṣaṃ(1) | medhātithermeṣam | kaṇvaputraṃ medhātitham ṛṣi indra āgatya evamavocat mahyaṃ dehīti somaṃ | tvaṃ meṣarūpaṃ yadi karoṣi tarhi somaṃ dadāmiti | tato meṣarūpamāsthāya indrastadīyaṃ somaṃ papau | sa ṛṣistaṃ meṣa itya vocat | ata idānīmapi meṣa indro'bhidhīyate | medhātithermeṣa iti subrahmaṇyāyām | medhātithiṃ hi kāṇvāyanaṃ meṣo bhūtvā jahāreti meṣatvaṃ bahubhiḥ pratipāditam | punaḥ kīdṛśam | puruhūtaṃ bahubhiryajamānai rāhūtam | punaḥ kīdṛśam | ṛgmiyam(2) | ṛgbhirmīyate(3)