Nitimanjari 2.22

2.22

rājasūye'bhiṣecanīye'hani eṣo'nuvāka ākhyātavyaḥ | tathāhyāśvalāyanasūtre ( ā0 śrau0 sū0 uttaraṣaṭke 3. 3. )— 'saṃsthite marutvatīye dakṣiṇata āhavanīyasya hiraṇyakaśipāvāsīno'bhiṣiktāya putrāmātyaparivṛtāya rājñe śaunaḥśepamācakṣīteti' | brāhmaṇam ( ai0 brā0 7. 18 ) 'evaitacchaunaḥśepamākhyānaṃ nahāsminnalpaṃ ca nainaḥ pariśiṣyate' | iti | śunaḥ śepo yūpe baddhaḥ prajāpatiṃ triṣṭubhāṃ stauti | tathā'mnātam sa prajāpatimeva prathamamiti ( ai0 brā0 7. 16. ) | ayamarthaḥ | vayaṃ śunaḥśepanāmakāḥ amṛtānāṃ devānāṃ madhye katamasya kiṃjātīyasya devasya cāru manoharaṃ nāma manāmahe uccārayāmaḥ | ko devaḥ naḥ asmān mumūrṣan mahyai mahatyai aditaye pṛthivyai punardāt dadyāt | aditiḥ iḷeti tannāmasu pāṭhāt ( nighaṇṭu,0 1. 1 ) tena dānenāhamamṛtaḥ san pitaraṃ mātaraṃ ca dṛśeyaṃ paśyeyam | manāmahe iti pādāditvānnighātābhāvaḥ | dṛśeyamiti mātaraṃ cetyatra 'ca' śabdād dṛśeyamityanuṣajyate atastadapekṣayā eṣā tiṅ‌vibhaktiḥ prathamā 'cavāyoge prathame' ( pā0 8|