Nitimanjari 2.25

2.25

iti kakṣīvata uśik-putratvamuktam | medhātithirbrahmaṇaspatiṃ gāyatryā stauti | somānamiti pañca brahmaṇaspatyā ityanukramaṇī | ayamarthaḥ | he brahmaṇaspate etannāmaka deva | somānaṃ somānāmabhiṣavasya kartāraṃ anuṣṭhātāraṃ svaraṇaṃ deveṣu prakāśanavantaṃ kṛṇuhi kurukamiva-auśijaḥ uśikputraḥ kakṣīvān somābhiṣavakartā tamiva | luptopamānametat | kakṣīvato'nuṣṭhātṛṣu muniprasiddhiḥ | kakṣīva̍te vṛcayāmindra̱ sunva̱te0 | (ṛ0 1. 51.13.) ka̱kṣīva̍ntaṃ sto̱tāra̍ṃ0 | [ ṛ0 1.112.11 ] a̱haṃ ka̱kṣīvā̱m̐ ṛrṣi̍: [ ṛ0 4.26.1.] ityādi | kakṣīvānuśikputropi yadi somasut jyāyān | yaḥ kulīnopi yadi sunvānaḥ sa dvijaparivṛḍho jñeyaḥ ityuktamṛgdṛṣṭāntena | "somānaṃ sotāraṃ prakāśanavantaṃ kuru brahmaṇaspate kakṣīvantamiva ya auśijaḥ kakṣīvān kakṣyāvānauśija uśijaḥ putraḥ | uśigvaṣṭeḥ kāntikarmaṇaḥ || api tvayaṃ manuṣyakakṣa evabhipretaḥ syāttaṃ somānāṃ sotāraṃ māṃ prakāśanavantaṃ kuru brahmaṇaspate" | iti yāskaḥ | (ni0 6-10 ) | brahmaṇaspate-patiśabde vyakṣare0(ṛ0prā04|42)ityupāritasandhiḥ| subāmantrita (pā02|