Nitimanjari 2.6

2.6

madhucchandā gāyatryendraṃ tuṣṭāva| svarasāmni niṣkevalye viniyuktam | indro viśvā avīvṛdha ( ṛ0 1.11.1 ) nityānuṣṭubham niṣkevalyamityuktam | ayamarthaḥ | purā valanāmakaḥ kaścidasuraḥ paranindāpavādanirataḥ devasambandhinīḥ gāḥ apahṛtya kasmiṃścitparvatabile gopitavān | tadānīmindraḥ tadbilaṃ svasainyena samāvṛtya bṛhaspatinā saha tasmādbilānniḥsārayāmāsa | indro valasya bilamapaurṇoditi brāhmaṇe [ tai.saṃ.2.5.1.] prasiddham || adrirasyāstītyadrivaḥ | he vajrayukta indra | tvaṃ valasya valanāmakasyāsurasya sambandhi gomataḥ gobhiryuktasya parvatasya bilaṃ apāvaḥ svasainyamukhenāpāvṛtavānasi | tadānīṃ devāstvāmāviṣuḥ tvāṃ prāptavantaḥ | tujyamānāsaḥ balena hiṃsyamānāḥ | tuji hiṃsārthaḥ | punaḥ kīdṛśāḥ abibhyuṣaḥ tvayā rakṣitā valādabhītāḥ | tathaindreṣu bārhaspatyeṣu nigamāḥ | indro̱ yada̱bhi̍nadva̱lam | ( ṛ. 8.14.7 ) indro̍ va̱laṃ ra̍kṣitāram ( ṛ. 10.67.6 ) | yo gā udāja̍t( ṛ. 2.12.3 ) | ityevamādayaḥ avaḥ varavarāviriti (ṛ.prā.1.13) | rephaḥ | amunā prakāreṇa nindāvādādvalo hata iti || ‘somasut dhanya’ityartha āha—
didṛkṣuḥ pañcavarṣeṣu viprarūpendravāritaḥ | ṣaṣṭhe'jīgartanāmānaṃ triputraṃ bādhitaṃ kṣudhā |