Tithyarka 5.p1.41

5.p1.41

iti vākyāt | atra kṛtyaṃ hemādrau bhaviṣye"sañcayaṃ śuṣkakāṣṭhānāmupalānāñca kārayet
tatrāgniṃ vidhivad hutvā rakṣoghnairmantravistaraiḥ ||"
pūjāmantrastu"asṛkpābhayasaṃtrastaiḥ kṛtā tvaṃ holi ! bāliśaiḥ
atastvāṃ pūjayiṣyāmi bhūte ! bhūtipradā bhava ||" iti
phālgune malamāsaścecchuddhe māsi holā kāryā,
"spaṣṭamāsaviśeṣākhyāvihitaṃ varjayed male |"
iti nāradavacanāt | iyamapi manvādirityuktaṃ prāk
atrāpi dolotsava uktaḥ kṛtyacintāmaṇau brāhme"naro dolāgataṃ dṛṣṭvā govindaṃ puruṣottamam
phālgunyāṃ saṃyato bhūtvā govindasya puraṃ vrajet ||"iti
paurṇamāsī guruvāreṇa siddhā, mandena viruddhā | yoginyatra vāyavyāmiti paurṇamāsīnirṇayaḥ
iti śrīmadvidvacchiromaṇibhāradvājamahādevabhaṭṭātmajasakalavidyānidhānadivākaraviracite tithyarke
ṣoḍaśatithīnāṃ nirṇayaḥ
samāptaḥ